Кравцов: Россиядә мәктәпләрне тулысынча дистанцион укытуга күчерү күздә тотылмый
(Казан, 30 гыйнвар, «Татар-информ»). Россиядә мәктәпләрне тулысынча дистанцион укытуга күчерү күздә тотылмый, әмма кирәк булса, төбәкләр әлеге мәсьәлә буенча тиешле карар кабул итә алачак. РФ мәгариф министры Сергей Кравцов «Россия 1» телеканалы эфирында шулай дип белдерде.
«Мондый планнар юк. Әмма мәктәпләрдә инфекция йоктыручылар арта бара икән, әлеге төбәкләр үзләре тиешле карар кабул итә ала. Бу — аларның хокукы», — дип аңлатты министр «Мәскәү. Кремль. Путин» программасында Павел Зарубинга биргән интервьюсында.