Путин Россия халкына тиешле ташламалар мәгълүматы алу турындагы законга кул куйды
(Казан, 29 декабрь, «Татар-информ»). РФ Президенты Владимир Путин россиялеләргә тиешле ташламалар турындагы мәгълүматны үзләре теләгән ысул белән сайлау алу хокукын бирә торган законга кул куйды. Документ хокукый мәгълүматның рәсми интернет-порталында басылып чыкты.
Закон буенча бу мәгълүматларны хакимият органында, бердәм колл-үзәк яки дәүләт хезмәтләре порталы аша шәхсән алырга мөмкин.
Яңа кагыйдәләр нигезендә дәүләт ярдәме чаралары турында үтеп керү кыен булган районнарда яшәүчеләр үз вакытында белә алачак. Бу, аерым алганда, бала тууга, инвалидлыкка яки пенсия яше җитүгә кагыла.
Россиядә социаль ярдәм чаралары тиеш булган 54 млн кеше яши, әмма тиешле ташламалар турында бөтен кеше дә белми.