Новости за 27.10.2022

Шушы көннәрдә Балтачта яшәүчеләр өлешчә мобилизация кысаларында хәрби хезмәткә чакырылган ир-егетләргә гуманитар ярдәм озатты. Бу турыда «Хезмәт» сайтында хәбәр ителә.

ТР Тарифлар буенча дәүләт комитеты газлаштыру программасы буенча күрсәткечләре иң түбән булган Татарстанның 17 районын атады.

JADIDFEST заманча мәдәният фестивален оештыручылар әти-әниләрне балалары белән бергә ике сәгать эчендә кечкенә спектакль әзерләргә чакыра. «Балаларның фантазиясе һәм безнең кураторлар ярдәмендә сюжет туачак. Әлеге сюжетны рольләргә бүлгәннән соң, репетиция башланачак. Балалар әзерләнгәндә, әти-әниләре тамашаның афишасын ясарга тиеш була», – дип хәбәр итә фестивальне оештыручылар.

Казаннан 13 укучы 9-11 нче сыйныф укучылары арасында «Озын тәнәфес» Бөтенроссия конкурсында җиңүче һәм призер булды. Ярышларның финалы 23-28 октябрьдә «Артек» яшьләр үзәгендә узды, анда бөтен илдән 1500 өлкән сыйныф укучысы катнашты.

Синоптиклар фаразлавынча, җомга һәм шимбә көннәрендә Татарстанда бераз кар явуы көтелә, юлларда бозлавык хасил булачак, ә төнлә температураның терекөмеш баганасы минус тамгасына төшәчәк.

Патшабикә Екатерина Икенченең Бауман урамында торган каретасының чуеннан коелган күчермәсен реставрациягә озаттылар. Казанның Вахитов һәм Идел буе районнары хакимияте үзенең Telegram-каналында шул хакта хәбәр итә.

«Бәйгедә гореф-гадәтләр белән заманчалык берләшә», - диде Ильмира Хәмидуллина.

Бүген «Мөхәммәдия» мәдрәсәсендә белем бирү учреждениесенең 140 еллыгына багышланган фәнни конференция узды. Конференция мәдрәсәнең быел зур юбилей уңаеннан төзелгән яңа корпуста үтте.

Алда кешелекне Икенче бөтендөнья сугышы тәмамланганнан бирле иң куркыныч, мөһим унъеллык көтә. Көнбатыш бөтен дөнья белән идарә итәргә тели, әмма күпчелек илләр моның белән килешергә теләми. РФ Президенты Владимир Путин «Валдай» Халыкара дискуссия клубының XIX утырышында тышкы сәяси вазгыятькә карата үз фикере белән уртаклашты.

Россия Тикшерү комитеты ТР буенча идарәсе коллегиясенең киңәйтелгән утырышында ведомство тарафыннан быелның 9 аенда башкарылган эшкә нәтиҗә ясадылар. Ел башыннан бирле Тикшерү комитетына җинаятьләр турында җиде меңнән артык хәбәр килгән, аларның һәр икенчесе буенча җинаять эшләре кузгатылган.

Мәктәп укучылары һәм укытучылары «Аулак өй – баттл» бәйгесендә катнашты.

30 ел дәвамында республикада Татарстан Конституциясе нигезендә хезмәт сөючәнлек тәрбияләдек, тынычлык һәм татулыкны ныгыттык, төрле халыкларның гореф-гадәтләрен, традицияләрен, мәдәниятләрен һәм телләрен сакладык. ТР Дәүләт Советы Рәисе Фәрит Мөхәммәтшин «Татарстан Конституциясе: тарих һәм бүгенге заман» интеллектуаль уеннары һәм онлайн-тестлаштыруда җиңүчеләрне бүләкләү тантанасында шулай дип белдерде.

Тарих институтында Мәскәүдә узган татар әдәбияты һәм сәнгате декадасының 65 еллыгына багышланган фәнни конференция узды.

Казанда «Татарстан Конституциясе: тарих һәм бүгенге заман» интеллектуаль уеннары һәм республиканың Төп законын белү буенча онлайн-тестлаштыруда җиңүчеләрне бүләкләделәр. Тантанада ТР парламенты башлыгы Фәрит Мөхәммәтшин да катнашты, ул «Татарстан Конституциясенең күпмилләтле Россия халкының берләшүенә хезмәт итүен» искәртте.

Алар альтернатив почта уйлап табарга тәкъдим итәләр.

Татарстанда алдагы ял көннәрендә һава шартларының сизелерлек начараюы көтелә. ТР Гидрометеорология һәм әйләнә-тирә мохитне күзәтү идарәсе шул хакта кисәтә.

Кәрәзле элемтә операторлары карамагында телефон номерлары чикләнгән санда була, шунлыктан сез кемнеңдер иске номерын алырга һәм бу күңелсез нәтиҗәләргә китерергә мөмкин, дип белдерде Zecurion компаниясе генераль директоры Алексей Раевский «Прайм» агентлыгына. Бу хакта РИА Новости агентлыгы хәбәр итә.

Татарстанның Республика клиник хастаханәсе табиблары Россиянең бер зур авиакомпаниясендә эшләүче бортпроводникның гомерен саклап калды. Бу хакта «Татар-информ» агентлыгына Республика клиник хастаханәсенең матбугат хезмәтеннән хәбәр иттеләр.

Дәүләт Думасы депутатлары авыр җинаять кылган өчен җәза срогын үтәвен дәвам итүче гражданнарны мобилизация буенча хәрби хезмәткә чакырудан тыюны гамәлдән чыгара торган законны өченче, соңгы укылышта кабул итте. Ул дәүләткә хыянәт итү яки шпионаж кебек аерым җинаятьләр кылган очракта искәрмәләрне күздә тота. Бу хакта «Интерфакс» агентлыгы хәбәр итә.

Үлем сәбәбе инсульт дип фаразлана.

«Үзебезнең якларга сезнең эшчәнлекне күреп, илһамланып кайтабыз», – диде делегатлар.

Ислам банкингыннан Россиядә төрле диндәге барлык халыклар да файдалана ала. Бу хакта партнерлык финансларына багышланган түгәрәк өстәл вакытында Татарстан Республикасы Иҗтимагый палатасы рәисе Зилә Вәлиева белдерде.

Коронавирус инфекциясеннән «Конвасэл» вакцинасы 28 сентябрьдә гражданлык әйләнешенә чыкты. Вакцинаны Россиянең Федераль медицина-биология агентлыгы (ФМБА) белгечләре ясаган. Бу хакта пәнҗешәмбе көнне агентлыкның җитәкчесе Вероника Скворцова хәбәр итте. «Российская газета» шул турыда яза.

Татарстан башкаласында «Казан» гаилә үзәге янындагы мәйданда казылган чокырлар барлыкка килде – Тышкы төзекләндерү комитетында аңлатуларынча, алар Яңа ел чыршысын урнаштыру эшләренең башы.

8 ноябрьдә ТР башкаласы халкы һәм кунаклары Казан Кремленең музейларын һәм күргәзмә залларын бушлай карый алачак.