Новости за 05.10.2022

Фестивальдә татар һәм казах көрәшләре, барлыгы җиде чемпионат үткәрелгән.

Бүген кайбер гаммәви мәгълүмат чаралары һәм социаль челтәрләрдә «Тукай мәйданы» метро станциясендә, имештер, кеше үтергәннәр дигән мәгълүмат таралды. Шулай ук өсте капланган мәет һәм ашыгыч ярдәм табибларының фотосын да урнаштырганнар.

Татарстанда соңгы тәүлектә коронавирус инфекциясенең тагын 346 очрагы расланган. Стопкоронавирус.рф порталы мәгълүматларыннан күренгәнчә, 65 пациентны хастаханәгә озатканнар.

Чаллы шәһәре Автозавод районының элеккеге хәрби комиссары Рәфыйк Имайкинның йөрәге тибүдән туктаган. Аңа 76 яшь иде. Чаллы мэриясенең мәгълүмати сәясәт идарәсендә «Татар-информ» агентлыгына шулай дип белдерделәр.

Дәүләт Думасы депутаты Сергей Леонов Премьер-министр Михаил Мишустинга педагогларга вакытыннан алда хезмәт пенсиясе билгеләү өчен урта һөнәри белем бирү учреждениеләрендә укучы 18 яшькә кадәрге балаларның процентын исәпкә алмаска кирәк дигән тәкъдим белән мөрәҗәгать итте. Бу хакта РИА Новости агентлыгы яза.

Татар телендәге әдәби әсәрләр бәйгесенә килгән әдәби әсәрне бәяләгәндә беренче чиратта аның укылышлылыгына игътибар ителә дип саный әдәбият галиме, профессор Дания Заһидуллина.

Татарстан Президенты Рөстәм Миңнеханов республикадагы барлык укытучыларны һөнәри бәйрәмнәре белән тәбрик итте. Татар телендәге котлавында ул мөгаллимнең иң хөрмәткә лаек һәм мәртәбәле һөнәр иясе булуын билгеләп үткән.

Төркия Россиянең «Мир» түләү системасына альтернатив вариант тәкъдим итте, АКШ санкцияләр кертү белән янагач ул аннан баш тарткан иде. Аның урынына Әнкара һәм Мәскәү банклары Төркиянең Troy түләү системасын куллана алачак, дип хәбәр итә Aydınlık газетасы.

Кайсыбер очракта кешеләр билгеле бер үзгәрешләр турында мәгълүматны Пенсия фондына махсус рәвештә хәбәр итми. Бу үзгәрешләр документлар тапшырганда хаталар китереп чыгара яки кайсыбер түләүләрне бирүне туктата. Шушы мәгълүмат соңрак ачыклангач, артык алган акчаны кире кайтарасы була. Бу турыда РИА Новости яза.

Башкортстанда махсус хәрби операциядә катнашырга әзерләнгән солдатлар алдында чыгыш ясау өчен агитбригадалар оештырылачак. Башкортстан Башлыгы Радий Хәбиров Республика белән идарә итү үзәгендә узган оператив киңәшмәдә Башкортстан мәдәният министры Әминә Шәфыйковага шундый күрсәтмә бирде. Бу хакта «Башинформ» агентлыгы хәбәр итә.

Прокуратура КФУның Чаллы филиалында эшләүче 36 яшьлек доцентка карата кузгатылган эш буенча дәүләт гаепләвен хуплады. Ул балигъ булмаган кыз белән җенси мөнәсәбәткә керүдә гаепләнә.

Бүген Татарстанда һава шартлары начараячак, дип кисәтә ТР Гидрометеорология һәм әйләнә-тирә мохитне күзәтү идарәсе. Республикада көньяктан һәм көньяк-көнчыгыштан көчле җил исәчәк, аның тизлеге урыны белән секундына 15 метрга кадәр җитәчәк.

Татарстан Президенты Рөстәм Миңнеханов Чечня Республикасы башлыгы Рамзан Кадыйровны туган көне белән тәбрик итте. Ул Телеграм-каналда коллегасы белән төшкән фото урнаштырган, янына: «Туган көнең белән!» - дигән һәм чечен телендә тәбрикләү сүзләре язган.

Эпидемиологик сезон башыннан Татарстанның медицина оешмаларына талпан керү очраклары белән 9288 кеше мөрәҗәгать иткән, шуларның 2569 ы – Казан халкы. Бу узган ел белән чагыштырганда 62,6 процентка һәм күпьеллык уртача күрсәткечтән 14,5 процентка артыграк. Бу турыда Казан мэриясе сайтында язылган.

Телефон номеры буенча кешенең кайда булуын гражданнар үзләре ачыклый алмый, моның өчен дәүләт органнары мөрәҗәгате кирәк. Балалар яки өлкән туганнарның кайда булуын ачыклау өчен, телефонга махсус кушымта урнаштырып була. Бу турыда «Прайм» агентлыгына Т1 төркеменең тикшеренүләр, кибераналитика һәм үсеше бүлеге җитәкчесе Александр Новиков сөйләгән.

«Фикер» татар китабы клубында әсәр буенча фикер алышу бу айда ике тапкыр уздырылачак. Бу турыда Милли китапханәнең матбугат хезмәте хәбәр итте.

Кадерле укытучылар, хөрмәтле мәгариф өлкәсе хезмәткәрләре, педагогик хезмәт ветераннары!

Самара татарларының «Бердәмлек» газетасында Эльмира Сәйфуллинаның «Гореф-гадәтләр дәвамлы булсын» дигән язмасы чыкты.

Өлешчә мобилизация башланганнан бирле 21 сентябрьдән 4 октябрьгә кадәр Әгерҗе районы ЗАГС бүлегендә 8 ашыгыч никах теркәлгән. ЗАГС хезмәткәрләре һәр шундый теркәүгә индивидуаль тәртиптә карый. «Әгерҗе хәбәрләре» сайтында шул хакта язылган.

«Мәйдан» журналы редакциясе ТР Язучылар берлегенең Чаллы бүлеге белән берлектә «Бу заман шундый заман ул…» дигән әдәби конкурс игълан итә. Иң яхшы әсәрләр «Мәйдан» журналында басылып чыгачак.

Алабуга урманчылыгы 55 зәңгәр чыршы һәм нарат үсентесе бирде, алар киләчәктә шәһәр ишегалдын бизәп торачак. Агачларны утыртуда «Бердәм Россия» партиясенең Алабуга бүлекчәсе вәкилләре катнашты. «Агач утырт» акциясе ел саен үткәрелә.

Шәһәр тибындагы Апас бистәсе депутатларының чираттагы киңәшмәсе узды. Биредә район башлыгы Айрат Җиһаншин да катнашты. Киңәшмәдә депутатлар башкарылган эшләр хакында хисап тотты, киләчәккә яңа максатлар билгеләде.

Чаллының Суар бистәсендә төзелә торган «Иман» мәчетенә имам-хатыйб билгеләнде. Анда имам-хатыйб буларак сайланган Мөнир Мөнәвир улы Хатыйпов шәhадәтнамә, мәчет уставы һәм теркәү документлары бирелде. Аларны Чаллы шәһәре имам-мөхтәсибе Әлфәс хәзрәт Гайфуллин тапшырды.

Сентябрь аенда Әлмәттә 188 бала туган. Шуларның 109ы - малай, 79 кыз, шул исәптән бер пар игезәкләр. Бу хакта Әлмәт районы ЗАГСына сылтама белән «Әлмәт таңнары» хәбәр итә.