Новости за 01.10.2022

Түбән Камада Советлар Союзы Герое Сафиуллин исемендәге Татарстан кадетлар корпусы китапханә фонды яңа әдәбият белән тулыланды.

Апас районының ЗАГС бүлеге, Пенсия фонды, Пенсионерлар берлегенең җирле бүлекчәсе һәм Ветераннар советы өлкәннәр өчен компьютер нигезләрен өйрәнү буенча дәрес үткәрде.

Бүген Аксубай мәдәният йорты каршындагы мәйданда Халыкара өлкәннәр көненә багышланган авыл хуҗалыгы ярминкәсе узды.

1 октябрьдән ОСАГО кагыйдәләренә үзгәрешләр үз көченә керде. Бу турыда Россия автоиминиятчеләр берлегенә сылтама белән РИА Новости хәбәр итә.

Татарстанның Санкт-Петербургтагы һәм Ленинград өлкәсендәге даими вәкиле Ренат Вәлиуллин Тинчурин исемендәге Татар дәүләт драма һәм комедия театры директоры Фәнис Мөсәгыйтов белән очрашты.

Татарстан Президенты Рөстәм Миңнеханов Чаллы шәһәрендә Машина төзүчеләр көненә багышланган тантаналы чараларда катнашты. Котлау чыгышында республика лидеры Россиягә яңа төбәкләрнең кушылуын искә алды.

Иртәгә, 2 октябрьдә, Татарстанда чагыштырмача җылы, әмма дымлы һәм тотрыксыз һава торышы көтелә. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.

Дәүләт аккредитациясе булган коммерцияле югары уку йортлары студентлары Россиядә өлешчә мобилизация үткәрү барышында чакырылмаячак. Бу хакта Россия саклану министры Сергей Шойгу сөйләде. РИА Новости шул хакта хәбәр итә.

Бүген Татарстан Республикасы Президенты Рөстәм Миңнеханов Чаллыда эш сәфәрендә. Эш сәфәренең төп максаты – Машина төзүчеләр көнен бәйрәм итүгә багышланган чараларда катнашу, дип хәбәр итте Татарстан Президентының матбугат хезмәте.

Россиядә игълан ителгән өлешчә мобилизация кысаларында хатын-кызларны чакырмаячаклар. Бу хакта Россия саклану министры Сергей Шойгу мобилизацияләнгән ир-атларны урнаштыру әзерлеген һәм шартларын тикшерү вакытында белдерде. Бу хакта РИА Новости хәбәр итә.

Әфганстанның татар интернатларында тәрбияләнүчеләрнең рәсемнәрен интернет-аукционнарда уңышлы сата башладылар. Бу турыда «Татар-информ» яза.

2 октябрьдә Самара өлкәсенең Похвистнево муниципаль районы Гали авылында Ислам дине кабул ителүнең 1100 еллыгына, мәдрәсәнең һәм «Гали» мәчетенең 30 еллык юбилеена багышланган «Ислам һәм аның хәзерге дөньядагы әһәмияте» төбәкара форумы узачак. Ул Мәүлид бәйрәменә багышланган.

Татарстан Президенты Рөстәм Миңнеханов бүген иртән «Казан» агросәнәгать паркында авыл хуҗалыгы ярминкәсендә булды.

Татарстан башкаласында яшәүче, өлешчә мобилизация буенча хәрби хезмәткә чакырылган Рамил Диндаров үзенең кәләше Анна Кириллова белән никахны билгеләнгән көннән ике көнгә алдан теркәгән. Бу хакта Казан мэриясенең матбугат хезмәте хәбәр итә.

Узган тәүлектә Татарстанда 475 кеше коронавирус йоктырган, алдагы көндә 535 очрак булган.

Дәүләт Думасына күп балалы аталар өчен мобилизациядән өстәмә кичектерү каралган ике закон проекты кертелде.

19-26 сентябрьдә Татарстанда карабодай ярмасының бәясе 4 процентка, дөгенеке 3 процентка төшкән.

«Яңа татар җыры III» бәйгесенә гаризалар 8 ноябрьгә кадәр кабул ителә. Әлеге бәйге Ваһапов фонды проекты, ул халык җырларын яңа сыйфатлы репертуар белән баету өчен үткәрелә. Бу турыда Бөтендөнья татар конгрессының матбугат хезмәте хәбәр итә.

Татарстан Президенты Рөстәм Миңнеханов республика халкын Халыкара өлкәннәр көне уңаеннан котлап видеомөрәҗәгать белән чыкты.

Россиянең төп байлыгы һәрвакыт кешеләр булды, ә традицияләрнең нигезендә өлкән буынга хөрмәт ята. Татарстан Премьер-министры Алексей Песошин республика халкын Өлкәннәр көне белән котлауда игътибарны шуңа юнәлтте.

Татарстан Президенты Рөстәм Миңнеханов үзенең Телеграм-каналында республика халкын Халыкара өлкәннәр көне белән котлады.

Илһам Шакиров исемендәге концертлар залында мобилизацияләнүчеләр өчен концерт булды.

«ТАТМЕДИА» АҖ Генераль директоры Шамил Садыйков медиахолдингның 15 еллыгы уңаеннан хезмәткәрләргә мөрәҗәгать итте.

Башлангыч һәм төп гомуми белем бирүнең федераль дәүләт белем бирү стандартларының эчтәлеге яңартылды, урта гомуми белем бирү федераль дәүләт мәгариф стандартларына үзгәрешләр кертелде.

«Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев «ТАТМЕДИА» АҖнең вәкилләрен оешманың 15 еллык юбилее белән котлады.