Новости за 07.08.2022

Чуваш Чүпрәлесе авыл җирлегенә ике авыл карый: Чуваш Чүпрәлесе һәм Хайбулдино. Алар ел саен үзара салым җыюда актив катнаша. Үзара салым җыюның халык өчен файдасы зур. Чөнки һәр елны үзләре үк җыйган үзара салым акчасына башкарылган эшләрне күреп торалар.

Кукмара районы башлыгы Сергей Димитриев җитәкчелегендәге хуҗалык җитәкчеләре, агрономнардан торган комиссия дә кырларның торышын югары бәяләде.

Яшел Үзән, Чистай һәм Буада предприятиенең өч җитештерү мәйданчыгында сөт һәм чимал эшкәртүнең гомуми күләме 2022 елның 1 кварталында 64,8 мең тонна тәшкил иткән. Көн саен сөт һәм чималны эшкәртүнең гомуми күләме 720 тоннага җитә.

«Көмеш кыңгырау» газетасы редакциясе китапханәсендәге китаплар арасыннан иске пластинка килеп чыкты. «Мөнәҗәтләр һәм бәетләр» дип язылган иде аңа. Башкаручысы – Татарстанның халык артисткасы Гөлзада Сафиуллина. Бу турыда «Көмеш кыңгырау» сайтында хәбәр ителә.

6 августта Чувашиядә М7 трассасында Сура елгасы аша күпердә юл һәлакәтендә Татарстан кешесе үлә. Әлеге аварияне видеорегистратор төшереп алган.

Иртәгә, 8 август көнне, Татарстанда көндез +30...+32 градус эссе булачак. Төнлә +16...+18 градус булачак. Бу хакта ТР Гидрометеорология үзәге хәбәр итә. 

Бүген кояш баеганнан соң, борынгы заманнардан ук изге көн – Гашура көне җитә. Мөфти шәех Равил Гайнетдин мөселманнарга мөрәҗәгать итте.

1 августта Казанда Бөтендөнья татар конгрессының VIII съезды кысаларында Мәскәү автономиясе вәкилләре «Ак Бүре белән татар теле өйрәнәбез» дип аталган мультимедиа белем бирү проектын тәкъдим итте. Бөтендөнья татар конгрессы шул турыда яза.

Бүген Спас районының Ямбакты авылында буада ир-ат батып үлгән. Шундый хәбәр төнге сәгать бердә 112 номерына –  ашыгыч хезмәтләрне чакыру хезмәтенә килә. Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә шул турыда хәбәр иттеләр.

Бүген 6.19 сәгатьтә Казан аэропортына Омск-Мәскәү рейсы очкычы мәҗбүри төшеп утырган. Борт пассажирларының берсе үзен начар хис иткән. «Татар-информ» агентлыгына «Казан» халыкара аэропорты матбугат сәркатибе Гадел Гатауллин шул турыда сөйләде.

Россиядә Covid-19 белән авыручыларның максималь саны август азагында көтелә, өстәвенә, авыручылар саны көн саен арта барачак. Гамалея исемендәге Эпидемиология һәм микробиология фәнни-тикшеренү институтының баш фәнни хезмәткәре Анатолий Альтштейн шундый фикердә. «Труд» сайты шул турыда яза.

Кулланучылар хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) сәламәтлеге нык булмаган кешеләргә җәмәгать урыннарында һәм транспортында битлек кияргә киңәш итте. Бу хакта Роспотребнадзорның җитәкчесе Анна Попова уздырган селектор киңәшмәсе нәтиҗәләреннән чыгып, ведомствоның матбугат хезмәтендә хәбәр иттеләр. «Российская газета» шул турыда яза.

Соңгы тәүлек эчендә Татарстанда тагын 68 кеше коронавирус йоктырган. 38 авыруны хастаханәгә урнаштырганнар. Стопкоронавирус.рф порталындагы мәгълүматлар шуны күрсәтә.

Татар сөйләмен ишеткәч кенә татар сүзләре искә төшә, диде ул.

Төркиянең Анталия курорт провинциясендә 4,1 магнитудалы җир тетрәү булган. РИА Новости A Haber телеканалына сылтама белән шул турыда хәбәр итте.

Коронавирус инфекциясен икенче тапкыр йоктыручыларның чирне ничек уздыруы иммунитетка бәйле булачак. Бу хакта ТАСС агенлыгына табиб-иммунолог, медицина фәннәре докторы Владислав Жемчугов сөйләгән. «Российская газета» шул турыда яза.

Кичә кичке бишләр тирәсендә Балык Бистәсе районының Черепашье бистәсе янында Кама елгасыннан 41 яшьлек ир-атның мәетен чыгарганнар. Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә шул турыда хәбәр иттеләр.

Август аенда казанлыларны өстәмә ял көне көтә. Бу 30 августта Татарстан Республикасы көнен бәйрәм итү белән бәйле.

Дәрвишләр бистәсендә тимер юл станциясенең өченче юлында ир-атны поезд өстендә ток суккан. Беренчел мәгълүматлар буенча, ир-ат юлны поезд өстеннән чыгарга уйлаган, шул чакта аны ток суккан. Бу хәл бүген иртәнге унынчы яртыда булган. Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәтендә шул турыда хәбәр иттеләр.

Август аенда Казанның «Черек күл» паркында психологлар белән ачык очрашулар дәвам итәчәк.

Азәрбайҗандагы «Татарстан» иҗтимагый берлеге рәисенең урынбасары Әмин Рамазанов Бөтендөнья татар конгрессының съездлары төрле илләрдән һәм төбәкләрдән килгән татарларга тәҗрибә уртаклашу мөмкинлеге бирүен әйтте.

Россиядә яшәүче кайбер кешеләрнең Белем көнендә законлы рәвештә ял алу мөмкинлеге бар, дип белдерде аналитик һәм SuperJob тикшеренү үзәге җитәкчесе Наталья Голованова. РИА Новости шул турыда яза.

Якшәмбе, 7 августта, Татарстанда явым-төшемнәрсез һәм эссе һава торышы көтелә. ТР Гидрометеоүзәге шундый фаразлар җиткерде.

Советлар Союзы Герое Муса Җәлилнең кызы Чулпан Җәлилова Татарстанның Бөгелмә районы Карабаш бистәсендә булды. Очрашуны туган якны өйрәнүче, Карабашта туган журналист Фазыл Вәлиәхмәтов һәм Казандагы Муса Җәлил музее вәкилләре оештырды. «Лениногорск хәбәрләре» шул турыда яза.

Мамадыштагы урамга быел июнь аенда вафат булган Дәүләт Думасының элеккеге депутаты Фатих Сибагатуллин исемен бирергә ниятлиләр. Бу мәгълүматны «Татар-информ» мәгълүмат агентлыгы хәбәрчесенә Мамадыш районы башлыгы Анатолий Иванов раслады.