Новости за 10.10.2021

(Яшел Үзән, 10 октябрь, «Татар-информ», « Яшел Үзән »). Яшел Үзәннең музыкаль театры үзенең беренче юбилеен билгеләп үтте. «Маскарад» гала-кичәсендә танылган мюзикллардан түбәндәге күренешләр тәкъдим ителде. Мактаулы кунаклар арасында — Яшел Үзән муниципаль районы башлыгы, Яшел Үзән мэры Михаил Афанасьев, Татарстан Дәүләт Советы депутаты Рузилә Тимергалеева, музыка театры директоры Елена Антонова бар иде. «Чын күңелемнән сезне бәйрәм белән котлыйм! Музыка театры, һичшиксез, Яшел Үзән бизәкләренең берсе. Читать дальше...

(Теләче, 10 октябрь, «Татар-информ», « Теләче информ », Фәнил Нигъмәтҗанов). Теләче районының Баландыш авылы мәдәният йортында «Моңнар агыла туган җирдә» дип исемләнгән районкүләм халык иҗаты фестивале башланды. Фестиваль муниципаль район башкарма комитеты җитәкчесе карары нигезендә, районның яңадан торгызылуына 30 ел тулуга һәм Туган телләр һәм Халыклар бердәмлеге елына багышлап үткәрелә.  8 октябрьдә эстафетаны Олы Мәтәскә авыл җирлеге үзешчәннәре кабул итеп алды. Монда да фестиваль концерты авыл... Читать дальше...

(Әлмәт, 10 октябрь, «Татар-информ», « Әлмәт таңнары »). 9 октябрьдә Әлмәт урманчылыгы территориясендә «Урманны саклыйк» дигән халыкара акция узды. Шәһәр халкы 4 га мәйданда 10 меңнән артык нарат үсентесе утыртты. Бу хакта экология һәм төзекләндерү департаменты хәбәр итә. Бу участокта үсентеләр тагын яз көне дә утыртылачак, диелә хәбәрдә.

(Казан, 10 октябрь, «Татар-информ»). Минзәләдә самолетның ничек һәлакәткә очравы турында «Татар-инфор» агентлыгы чыганагына исән калган парашютчыларның берсе сөйләде. «Ул самолетның койрык өлешендә утырган, бәрелгән вакытта аны салонның алгы өлешенә алып ташлаган, җимерелгән ишек астында калган. Өстән кайнар керосин аккан, аркасы бик нык пешкән», — дип сөйләде агентлык чыганагы. Агентлык мәгълүматлары буенча, фаҗига урыныннан санавиация вертолеты белән Татарстан РКБсына китерелгән парашютчы турында сүз бара. Читать дальше...

(Казан, 10 октябрь, «Татар-информ», Эльза Кузнецова). Минзәләдә авиаһәлакәттә һәлак булган кешеләрнең мәетләрен туганнарына 11 октябрьдә Чаллыда бирә башлаячаклар. Бу хакта журналистларга Татарстан Республикасы Президенты Аппараты җитәкчесенең беренче урынбасары — Президентың Территорияләр белән эшләү идарәсе җитәкчесе Илнур Гарипов сөйләде. Илнур Гарипов әйткәнчә, һәлак булганнарның мәетләре Чаллының Ашыгыч медицина ярдәме хастаханәсенең патологоанатомия бүлегенә китерелгән. Һәлак булганнарның туганнары белән психологлар эшли. Читать дальше...

(Казан, 10 октябрь, «Татар-информ», Гадел Әхмәтҗанов). Шагыйрә, мөгаллимә Гөлнур Әхмәдуллина-Архипова вафат. Шагыйрәнең вафаты турында «Татар-информ» хәбәрчесенә Гөлнур Әхмәдуллина-Архипованың танышы җырлар авторы Гөлүсә Әхмәтҗанова әйтте. Бу хәбәрне Балык Бистәсе районы Казаклар Чаллысы авылының инстаграм аккаунты да  раслый . «Гөлнур апа — талантлы шәхес иде. Аралашып тордык. Киңәшләре белән ярдәм итә иде. Урыннары җәннәттә булсын», — диде ул «Татар-информ»га. Гөлнур Әхмәдуллина-Архипованың якыннары, туганнарының тирән кайгысын уртаклашабыз. Читать дальше...

(Казан, 10 октябрь, «Татар-информ», Елена Сәлахова). Татарстан ДОСААФ Үзәк Аэроклубның Минзәлә филиалы җитәкчесе Равил Нурмөхәммәтов «Татар-информ» хәбәрчесенә Минзәләдә булган авиаһәлакәтне шәрехләде. Аерым алганда, ул самолет очучыларының барысын да дөрес эш итүләрен һәм фаҗига булдырмый калу өчен мөмкин булганны эшләүләрен әйтте. «Алар югары квалификацияле очучылар, корабль командирлары, безнең даирәдә бик танылган кешеләр иде. Шуңа күрә алар тарафыннан хата булмаган дип әйтә алам. Тикшерү барысын да күрсәтер... Читать дальше...

(Казан, 10 октябрь, «Татар-информ», Эльза Кузнецова). Минзәләдә авиаһәлакәттә һәлак булганнар истәлегенә вакытлыча мемориал булдырылды. «Мемориал аэроклубның административ бинасын янында ясалды. Кешеләр чәчәкләр алып килә, кайгы уртаклаша», — дип сөйләде «Татар-информ»га әлеге вакыйганың шаһиты. Президент аппараты департаменты җитәкчесе Наил Гарипов, республиканың спорт министры урынбасары Илдар Садриев, район башлыгы Айдар Сәлахов мемориалга беренчеләрдән булып чәчәкләр салды. Алдарак «Татар-информ» хәбәр иткәнчә... Читать дальше...

(Казан, 10 октябрь, «Татар-информ»). Дүшәмбе һәм сишәмбе көннәрендә Татарстанда алмашынучан болытлы һава саклана. Республиканың Гидрометеорология үзәге хәбәр иткәнчә, алдагы ике көндә явым-төшемнәр көтелми. Көньяк-көнбатыштан уртача тизлектә җил исәчәк. Дүшәмбе, 12 октябрьдә, төнлә +2.+7˚көндез +11.+16˚ градус. Сишәмбе, 13 октябрьдә, төнлә 0.+5˚, көндез +12.+17˚ градус булыр дип көтелә.

(Казан, 10 октябрь, «Татар-информ», Елена Саляхова). Минзәлә аэроклубы инструкторы Олег Шипоров парашютчылар утырган самолетның һәлакәткә юлыгу сәбәпләрен атады.   «Минем штаттагы бурычым кешеләрне парашюттан сикерергә әзерләү. Без документлар буенча эш итәбез. Кешеләр парашюттан сикерә алмас иде, анда биеклек җитәрлек булмаган. Самолетны авария шартларында калдырып китү 500 метр. Двигательгә кош эләккән, хәзер көз, күчмә кошлар оча», — дип сөйләде инструктор «Татар-информ» хәбәрчесенә. Аның сүзләренчә... Читать дальше...

(Казан, 10 октябрь, «Татар-информ», Эльза Кузнецова). Район башлыгы Айдар Сәлахов Минзәләдә егылган самолет белән бәйле фаҗигане шәрехләде. Аның сүзләренчә, самолет 9.03 сәгатьтә очып киткән, биеклеккә күтәрелгән. Очыш ике минуттан да артык дәвам итмәгән. «Нәтиҗәдә экипажның ике әгъзасы һәм 20 кеше — алты инструктор һәм инструкторлар белән бергә сикерергә тиеш булган 14 парашютчы һәлакәткә юлыкты. Әлегә якынча версия буенча, двигательгә кош эләккән яки сул як двигатель эшләми башлаган булырга мөмкин. Читать дальше...

(Казан, 10 октябрь, «Татар-информ»). Минзәләдә һәлакәткә очраган самолетта вафат булучылар арасында Татарстаннан тугыз, Башкортстаннан дүрт, Удмуртиядән ике һәм Чиләбе өлкәсеннән бер кеше булган. Татарстан Президентының матбугат хезмәте җитәкчесе Лилия Галимова хәбәр иткәнчә, исән калучылар арасында Башкортстаннан ике, Йошкар-Оладан, Ульяновскидан, Удмуртиядән һәм Киров өлкәсеннән берешәр кеше бар.

(Казан, 10 октябрь, «Татар-информ»). Һәлак булган очучы Михаил Беляевның туганнары аның 19 яшеннән бирле очуын һәм бик тәҗрибәле пилот булуы турында сөйләде. «Ул гомер буе очты. Башка берни дә эшли белмәде, гомере буе очучы булды. Хәрби-транспорт авиациясендә пилот булды. Очышлары бик күп иде. Ул гел: „Инструкцияне һәрвакыт үтәргә кирәк, чөнки ул кан белән язылган“, — дип әйтә иде. Ул машина йөртте, аның белән гел машинада йөри идек — юлларда кагыйдәләрне бозганда гел ачуы чыга иде, бу — кеше гомерләре дип гел әйтә иде»... Читать дальше...

(Казан, 10 октябрь, «Татар-информ»). Россия Дәүләт Думасы һәм Татарстан Дәүләт Советының элеккеге депутаты Фәндәс Сафиуллин вафат. Язучы һәм җәмәгать эшлеклесе Разил Вәлиев Instagram социаль челтәрендәге үз сәхифәсендә шул хакта хәбәр итте. Фәндәс Сафиуллин – отставкадагы Совет армиясе полковнигы, Татарстан Югары Советы, Татарстан Дәүләт Советы һәм РФ Дәүләт Думасының элеккеге депутаты, Бөтентатар иҗтимагый үзәгенең элеккеге рәисе.

(Казан, 10 октябрь, «Татар-информ», Гөлнар Гарифуллина). Чаллы Ашыгыч медицина ярдәме хастаханәсе баш табибы Марат Мөхәммәдиев Минзәләдә авиаһәлакәттә зыян күргән пациентларның хәле авыр, ләкин тотрыклы булуын әйтте. «Беренче пациент кабул итү бүлегенә 11.25тә килде. 30 яшьтән 50 яшькә кадәр барлыгы 5 кеше китерелде. Барлык пациентлар тулысынча тикшерелде. Хәзерге вакытта реанимация бүлегендә. Төрле өлешләре сынган, үпкәләре имгәнгән, пневмоторакс, үпкәнең плевраль өлешенә һава кергән. Барлык пациентларның хәле авыр... Читать дальше...

(Казан, 10 октябрь, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 102 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, бер кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. «32 кеше хастаханәгә озатылган, 70 кеше өендә дәвалана», - диелә ведомство хәбәрендә. Казанда – 31, Чаллыда – 26, Әлмәт районында – алты, Чистай районында биш очрак ачыкланган. Моннан тыш, Түбән Камада дүрт очрак теркәлгән... Читать дальше...

(Казан, 10 октябрь, «Татар-информ»). Чаллының Ашыгыч медицина ярдәме хастаханәсенә Казаннан табиблар килде, дип хәбәр итә республика Президентының матбугат хезмәте. «Беренче ярдәмне мондагы хирурглар күрсәткән иде. Барысы да квалификацияле эшләгән. Без хәзер алдагы практиканы билгелибез», — диде табибларның берсе Рөстәм Миңнехановка. Якын арада зур федераль үзәкләр белән консультацияләр уздырылачак.  Алдарак «Татар-информ» зыян күргән биш кеше Чаллыга БСМПга, ә бер кеше РКБга җибәрелгән дип хәбәр иткән иде.

(Казан, 10 октябрь, Павел Климчак). Минзәлә һәм Чаллы гарнизоны коткаручылары Минзәләдә L-410 самолеты һәлакәткә очраган урында эшләрен төгәлләде. Соңгы мәгълүматлар буенча, бортта 20 парашютчы һәм экипажның 2 әгъзасы булган. Алдарак «Татар-информ» хәбәр иткәнчә, Минзәләдә самолет егылып төшкән иде. Гадәттән тыш хәлләр министрлыгы мәгълүматлары буенча, бары тик алты парашютчы гына исән калган. Коткаручылар 16 кешенең мәетен самолет салоныннан алды. Фаҗига урынында 47 кеше һәм 15 берәмлек техника эшләде. Читать дальше...

(Казан, 10 октябрь, «Татар-информ», Эльза Кузнецова). Чаллы мэры Наил Мәһдиев самолет һәлакәтендә һәлак булган кешеләрнең гаиләләренең кайгысын уртаклашты. Фаҗига бүген иртән Минзәләдә булды. «Якыннарыгызның һәм туганнарыгызны югалту кайгысын уртаклашабыз. Безне бу фаҗига барыбызны да бик тетрәндерде. Бу чыннан да, алыштыра алмаслык югалту, кайгыгызны уртаклашабыз. Сезгә бу хәсрәтле минутларда көч һәм түземлек телибез», — диелә хәбәрдә. Шаһитлар әйтүенчә, самолет һәлакәткә очраган урында Чаллы табиблары эшли. Читать дальше...

(Казан, 10 октябрь, «Татар-информ»). Татарстан Президенты Рөстәм Миңнеханов Чаллының Ашыгыч медицина ярдәме хастаханәсенә килде. Монда Минзәләдә самолет һәлакәтендә зыян күргән кешеләрне алып килгәннәр иде, дип хәбәр итте Президентның матбугат хезмәте җитәкчесе Лилия Галимова. Алдарак «Татар-информ» зыян күргән биш кеше Чаллыга БСМПга, ә бер кеше РКБга җибәрелгән дип хәбәр иткән иде. Минзәләдәге фаҗига турында бүген 9.11 сәгатьтә мәгълүм булды. Борттагы 23 кешенең 16сы һәлак булды. Татарстан... Читать дальше...

(Казан, 10 октябрь, «Татар-информ»). Минзәләдә L-410 самолеты бер двигателе эшләми башлау аркасында һәлакәткә очраган, диде Татарстан Президенты Рөстәм Миңнеханов. Аның сүзләренчә, очучылар элемтә югалганчы бу хакта хәбәр итәргә өлгергән. «70 метр биеклектә очучылар сул як двигательнең эшләми башлавын хәбәр итә һәм мәҗбүри төшеп утыруны сорый. Күреп торабыз, очыш озак дәвам итмәгән», — диде ул.

(Казан, 10 октябрь, «Татар-информ»). Минзәләдә егылган самолетта 16 кеше һәлак булган һәм алты кеше исән калган. Әлеге мәгълүматларны Татарстан буенча Россия Гадәттән тыш хәлләр министрлыгының матбугат хезмәте чыгарды. Алдарак Татарстанның Сәламәтлек саклау министрлыгы һәлакәттә җиде кеше исән калуын хәбәр иткән иде. Соңыннан бер парашютчының туганы самолет бортында булып, коткаручыларның ялгышып аны да исән калучылар исемлегенә кертүе билгеле булды. Рәсми рәвештә хәзерге вакытта самолет һәлакәтендә зыян күрүчеләрнең саны — алты. Читать дальше...

(Казан, 10 октябрь, «Татар-информ», Гадел Әхмәтҗанов). Иртәгә Татарстан мәчетләрендә Минзәләдә самолет һәлакәтендә һәлак булучылар рухына дога кылачаклар. «Бүген Минзәләдә зур фаҗига — очкыч һәлакәтендә кешеләрнең гомере өзелгән. Татарстан Республикасы мөселманнары Диния нәзарәте һәм шәхсән үз исемемнән бу авиаһәлакәттә якыннарын югалтканнарның тирән кайгысын уртаклашам һәм бу югалту ачысын кичерү өчен аларга сабырлык һәм ныклык телим. Аллаһы Тәгалә зыян күрүчеләргә шифасын бирсен. Иртәгә Татарстан мәчетләрендә алар өчен дога кылыначак»... Читать дальше...

(Казан, 10 октябрь, «Татар-информ»). 11 октябрь Татарстанда мәтам көне дип игълан ителде. Әлеге йөкләмәне Минзәлә штабында узган киңәшмәдә Татарстан Президенты Рөстәм Миңнеханов бирде. «Минзәләдә оештырылган штаб киңәшмәсендә Татарстан Президенты Рөстәм Миңнеханов 11 октябрьдә Татарстанда мәтам көне дип игълан ителүне әйтте», — диде Президентның матбугат хезмәте җитәкчесе Лилия Галимова. Самолет бортында 23 кеше булган, аларның 16сы һәлак булды.

(Казан, 10 октябрь, «Татар-информ»). Рөстәм Миңнеханов Минзәләдәге авиаһәлакәт турында сөйләде. Фаҗига турында хәбәр 9.11 сәгатьтә килде, самолет бортында 23 кеше булган.