Новости за 15.05.2021

(Зәй, 15 май, «Татар-информ», « Зәй офыклары », Ләйлә Мостафина). Бүген, 15 майда «Зәй» Агросәнәгать паркында агачлар, чәчәкләр, җиләк-җимеш һәм яшелчә культуралары үсентеләрен, кара туфрак, бакча инвентаре, авыл хуҗалыгы техникасы сату буенча «Язгы сезон-2021» ярминкәсе узды. Ярминкә иртәнге җидедә ачылды һәм аны беренчеләрдән булып Зәй муниципаль районы башлыгы Разиф Кәримов карап чыкты. Сәүдә рәтләрен Ал.Бистәсе, Чыбыклы, Югары Пәнәче, Аксар авыл җирлекләре, районның крестьян-фермер хуҗалыклары тәкъдим итте. Читать дальше...

(Актаныш, 15 май, «Татар-информ», «Актаныш-информ» ). Актанышта зонакүләм «Аҗаган» хәрби патриотик-уеннары узды. Уеннарда көч сынашырга Алабуга, Яр-Чаллы, һәм Тукай командалары килде. Укучыларга хәрби-патриотик тәрбия бирүгә этәргеч ясаучы мондый уеннар инде күптәннән уздырыла. Аларга укучылар ел әйләнәсе әзерләнә. Биредә ГТО нормаларын тапшыру өчен спорт уеннары каралган иде. Уенда катнашучы командалар сигез спорт төре: пневматик мылтыктан ату, граната ату, строй әзерлеге, дистанциягә йөгерү, егетләр турникта тартылу... Читать дальше...

(Казан, 15 май, «Татар-информ»). Казанда чатыр ярминкәләре эшли. Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итә. Казанда чатыр ярминкәләре Авиатөзелеш районында (Дементьев ур.,7; Беломорск һәм Гудованцев урамнары киселешендә), Мәскәү районында (Батыршин ур., 20), Яңа Савин районында (Академик Лаврентьев ур., 10), Идел буе районында (учик ур., 72), Совет районында (Дәрвишләр бистәсе, Липатов ур., 7) адреслары буенча урнашкан. Биредә республикада җитештерелгән ит... Читать дальше...

(Казан, 15 май, «Татар-информ»). Ихтыяҗ зур булып калган очракта, Россия автобазарындагы кытлык машиналарның 15 процентка кадәр кыйммәтләнүенә китерергә мөмкин. Бу турыда «Автостат» агентлыгы генераль директоры Сергей Целиков сүзләренә сылтама белән РИА Новости хәбәр итә. Европа бизнесы ассоциациясендә хәбәр итүләренчә, Россиядә автомобильләргә ихтыяҗ 300 процентка диярлек арткан, бу күзәтүләр тарихында рекордлы сан булган. Агымдагы елның апрелендә узган елның шул ае белән чагыштырганда, 113 042 автомобильгә күбрәк сатылган. Читать дальше...

(Казан, 15 май, «Татар-информ»). 16 майда Мәскәүнең «Crocus City Hall» концертлар залында «Кем мин?» дигән мәдәни-агарту чарасы узачак. Бу турыда Татарстанның Россиядәге Тулы вәкаләтле вәкиллеге матбугат хезмәте хәбәр итә. Тамашачылар бер зур гаилә тарихы белән танышачак, аның әгъзалары һәркайсы үз тормышы белән яши һәм аралашмый диярлек. Бергә җыелгач, алар бер-берсен өр-яңадан белеп кенә калмый, һәрберсенең тормышын үзгәртәчәк вакыйгаларга эләгә. Гаилә серләре, хаталар, икейөзлелек һәм ялган битлекләр астында яшеренгән гөнаһлар ... Читать дальше...

(Казан, 15 май, «Татар-информ»). 16 майда Самара шәһәрендә Халыклар дуслыгы йортында «Ләйсән» башкорт халык бию ансамбленең хисап концерты узачак. Концертка керү бушлай. Бу турыда «Самара татарлары» сайтында хәбәр ителә.

(Казан, 15 май, «Татар-информ»). Казанның 175нче гимназиясенә һөҗүм иткәндә һәлак булучыларның гаиләләре янында туганнары һәм якыннары булырга тиеш. Бу хакта Татарстан хакимияте тарафыннан оештырылган туры эфир вакытында Казан дәүләт медицина академиясенең психотерапия һәм наркология кафедрасы доценты, медицина фәннәре кандидаты Марина Белоусова сөйләде. Белгеч сүзләренчә, хәзер һәлак булганнарның туганнарының һәм якыннарының кайгыру фазасы башлана, ул якынча алты-җиде атна дәвам итә. Төрле модельләрдә ул төрлечә ... Читать дальше...

(Казан, 15 май, «Татар-информ», Гөлия Хәсбиуллина). Бүген Татарстан Республикасының Милли музеенда «Музейлар төне» Бөтенроссия акциясе уңаеннан махсус чаралар оештырыла. 18 май — Халыкара музейлар көне, шул уңайдан төрле илләрдә «Музейлар төне» үткәрелә, бүген әлеге акцияне Россия музейлары оештырды. Әлеге акциянең үзенчәлеге — музей эшчәнлегенең төнгә кадәр булуы. Татарстан Республикасының Милли музее директоры урынбасары Зәринә Сафина сүзләренчә, аларда «Музейлар төне» инде унбишенче ел үткәрелә. Читать дальше...

(Казан, 15 май, «Татар-информ», Арсений Кәримов). Бүген Кече суднолар буенча дәүләт инспекциясе инспекторлары Казан сулыклары буенча рейд оештырды. Алар яр буенда ял итүчеләргә су коену сезоны рәсми рәвештә ачылмаган һәм 1 июньгә кадәр су коену тыелганын искә төшерде. «Татар-информ» хәбәрчесе Гадәттән тыш хәлләр министрлыгы хезмәткәрләре белән бергә Җиңү паркында коену сезонында да су коену тыелган күлдә булды. «Рейд өчен Җиңү паркындагы күлне монда катамараннар прокаты пункты булу сәбәпле сайладылар. Читать дальше...

(Казан, 15 май, «Татар-информ»). Урман хуҗалыгы министрлыгы Башкортстанда яшәүчеләргә урманнарга йөрүне тыйды. Шул хактагы боерык ведомство сайтында бастырылган. Бу турыда «Башинформ» хәбәр итә. Документтан аңлашылганча, республика территориясендә IV һәм V класслы янгын куркынычы янау сәбәпле, 15 майдан 4 июньгә кадәр Әбҗәлил, Белорет, Баймак, Бөрйян, Зилаер, Зиянчура, Күгәрчен, Учалы, Хәйбулла районнарында гражданнарның һәм транспорт чараларының урманнарга йөрүен чикләү кертелә. Төбәктә яшәүчеләрдән... Читать дальше...

(Казан, 15 май, «Татар-информ»). 25 майдан Россия Исландия, Мальта, Мексика, Португалия һәм Согуд Гарәбстаны белән авиаэлемтәне яңартачак. Карарны шул илләрдә эпидемия вазгыятен исәпкә алып, вице-премьер Татьяна Голикова җитәкчелегендәге штаб утырышында кабул иттеләр. Бу турыда коронавирус таралу белән көрәш оператив штабына сылтама белән РИА Новости хәбәр итә. Мәскәүдән атнага ике тапкыр Рейкьявик белән Валлетага, атнага өч тапкыр Канкун, Лиссабон һәм Джиддага рейс булачак. Моннан тыш, атнага берәр... Читать дальше...

(Казан, 15 май, «Татар-информ»). Бүген Казанда «Юстиция кварталы» төзелеше нигезенә таш салу тантанасы булды. Чарада Татарстан Президенты Рөстәм Миңнеханов һәм Россия юстиция министры Константин Чуйченко катнашты. Казанда «Юстиция кварталы» — заманча шәһәр киңлеге. Анда Татарстан яшәүче һәр кеше файдалана алырлык барлык хокукый хезмәтләр тупланачак. Шул исәптән монда Россия Юстиция министрлыгының Татарстан буенча территориаль идарәсе, бушлай юридик ярдәм үзәге, гражданнар инициативалары үзәге һәм башкалар урнашачак... Читать дальше...

(Казан, 15 май, «Татар-информ»). Узган тәүлектә Татарстанда коронавирус йоктыруның 34 яңа очрагы теркәлгән. Бер кеше чирне республикадан читтә йоктырган, калганнары авыру кеше белән аралашканда эләктергән. «17 кеше хастаханәгә салынган, 17 кеше өйдә дәвалана», диелә Татарстан Сәламәтлек саклау министрлыгының матбугат хезмәте хәбәрендә. Авыручыларны күбесе Казанда теркәлгән, башкалада 10 кеше ковид йоктырган. Республиканың башка муниципалитетлары арасында ковид йоктыру очраклары буенча Чаллы шәһәре... Читать дальше...

(Казан, 15 май, «Татар-информ», Ләйсән Рәхмәтуллина). Бүген Камал театрында Татарстан Президенты Рөстәм Миңнеханов «Тарихта без эзлебез» шәҗәрәләр фестивале җиңүчеләрен бүләкләде. Бәйрәм тантанасына Татарстан Дәүләт Киңәшчесе Минтимер Шәймиев та килгән иде. «Һәр милләт үзенең тарихын белергә тиеш. Нәселебезне, буыныбызны беләбез икән, киләчәгебез бар дигән сүз. Шушы бәйрәмне оештырган кешеләргә рәхмәт. Киләчәктә дә бу эшләр алып барылыр дип ышанам», — диде Татарстан Президенты тантанада чыгышында. Читать дальше...

(Казан, 15 май, «Татар-информ»). Кичә ТР Дәүләт Советы Рәисе Фәрит Мөхәммәтшин Саба районында зона семинар-киңәшмәдә авыл хуҗалыгы программасын гамәлгә ашыруда катнашучы банк җитәкчеләренең һәм вәкилләренең игътибарын авыл халкына бирелә торган кредитларны һәркем алу мөмкинлеген булдырырга чакырды. Фәрит Мөхәммәтшин бу турыда фермер хәрәкәтен үстерүнең иң актуаль мәсьәләләре: шәхси ярдәмче хуҗалыклар өчен субсидияләнгән кредитлар бирүне яңарту, кулланучылар кооперациясе продукциясен сату өчен логистик үзәк булдыру турында фикер алышуда әйтте... Читать дальше...

(Казан, 15 май, «Татар-информ»). Татарстан Президенты Рөстәм Миңнеханов бүген төбәк Хөкүмәте йортында узган киңәшмәдә «Безнең ишегалды» программасы өчен продукция белән тәэмин итүче компанияләр белән мәсьәләне хәл итүне йөкләде. Бу хакта республика җитәкчесенең матбугат хезмәте хәбәр итә. Татарстан Президенты ярдәмчесе Наталия Фишман-Бекмамбетова «Безнең ишегалды» программасын гамәлгә ашыру турында сөйләде. Аерым алганда, ул 2020 елда урам җиһазларын китерүдә катнашкан һәм югары сыйфатлы әзерләүне күрсәткән җитештерүчеләрне атады. Читать дальше...

(Казан, 15 май, «Татар-информ», Гадел Әхмәтҗанов). Республика җитәкчелеге Казанның 175нче гимназиясе укучылары өчен җәйге ял оештыру мөмкинлеген карый. «Укучылар өчен җәйге ял оештырылачак. Аны республика җитәкчелеге оештыра. Төрле вариантлар карала. Хәзер ата-аналар җыелышлары уза, безнең бурыч — ата-аналарның теләкләрен белү. Әгәр дә алар ял итәргә, шул исәптән диңгезгә китәргә тели икән, мондый мөмкинлек биреләчәк», — диде Казанның Мәгариф идарәсе җитәкчесе урынбасары Альберт Әхмәтов 174нче мәктәптәге пресс-тур вакытында. Читать дальше...

(Казан, 15 май, «Татар-информ»). Ел башыннан Татарстанда планлаштырылган 2 млн 670 мең кв. метр торакның 40 процентка якыны төзелгән — ягъни якынча 1 млн 60 мең кв. метр. Бу хакта Хөкүмәт йортында узган киңәшмәдә Татарстан төзелеш, архитектура һәм торак-коммуналь хуҗалык министрының беренче урынбасары Алексей Фролов сөйләде. Барлык муниципалитетлар белән видеоконференцэлемтә режимында оештырылган киңәшмәне Татарстан Президенты Рөстәм Миңнеханов үткәрде. Анда шулай ук Татарстан Премьер-министры Алексей Песошин катнашты. Читать дальше...

(Казан, 15 май, «Татар-информ»). Татарстан Президенты Рөстәм Миңнеханов хокук саклау органнарына 11 майда Казанның 175нче гимназиясенә һөҗүм иткән җинаятьчене геройлаштырырга омтылышны катгый рәвештә тыярга кушты. Бу хакта «Татар-информ» мәгълүмат агентлыгына Татарстан Президенты матбугат хезмәте җитәкчесе Лилия Галимова сөйләде. Агентлык әңгәмәдәше сүзләренчә, Рөстәм Миңнеханов бүген хокук саклау органнары белән координацион киңәшмә уздырды. Анда уку йортларында иминлекне тәэмин итү мәсьәләләре буенча фикер алыштылар. Читать дальше...

(Казан. 15 май, «Татар-информ», Полина Шевчук). Казанның берничә мәктәбенә шартлаткыч җайланма куелу турында хәбәр килгән. Биредә кешеләрне эвакуацияләр. Социаль челтәрләрдә чыккан белешмә буенча, Иннополис лицеенда, Казанның № 18, № 7, № 122, № 169, № 171 мәктәпләрендә шартлаткыч җайланма куелу турында хәбәр иткәннәр. Хәзерге вакытта 7 нче гимназия территориясе камап алынган, балаларны урамга чыгарганнар, ата-аналарны кертмиләр. Урында янгын сүндерүчеләр, полиция һәм табиблар эшли. Укытучылар балаларны җитәкләп алып чыгып... Читать дальше...

(Казан, 15 май, «Татар-информ»). 20 — 22 майда Бөтендөнья татар конгрессы «Ак калфак» иҗтимагый оешмасы белән берлектә VI Бөтендөнья татар хатын-кызлары форумын үткәрә. Бөтендөнья татар конгрессы матбугат хезмәте хәбәр иткәнчә, «форумда Россиянең алтмыштан артык төбәгеннән һәм чит илләрдән 300 гүзәл зат катнашачак». Чарада шулай ук мәртәбәле кунаклар катнашуы да көтелә.

(Казан, 15 май, «Татар-информ», Рузилә Мөхәммәтова). Татар сәнгать белеменә нигез салган галим, Идел буенда беренче сәнгать белеме докторы Фуад Вәлиевның 100 еллыгы уңаеннан Казанда милли сәнгать торышына кагылышлы фәнни чаралар үтә. Аның программасын Татарстанның мәдәни тармагында традицияләрне саклау һәм инновацияләр кертү ресурслар үзәге тәкъдим итә. Оештыручылар — әлеге үзәк белән бергә, ТР Мәдәният министрлыгы һәм Мәрҗани исемендәге Тарих институты. 20 май көнне Мәрҗани исемендәге Тарих институтында «Мирас һәм заман... Читать дальше...

(Казан, 15 май, «Татар-информ»). Кичә, 14 майда, Әфганстанда Шакар-Дара торак пунктында мәчеттә теракт булган. Анда ким дигәндә 12 кеше үлгән, шулай ук мөфти дә һәлак булган. Бу турыда Tolo News телеканалына сылтама белән «Интерфакс» хәбәр итә. Егермеләп кеше яралануы турында да әйтелә. Tolo News чыганакларга сылтама белән билгеләп үткәнчә, шартлаткыч җайланма мәчет эченә куелган булган. Шартлау җомга намазы вакытында булган, дип ачыклык керттеләр полициядә.

(Казан, 15 май, «Татар-информ», Розалия Хәйруллина). Быел Алабугада Сабантуй беренче тапкыр ипподромда узачак. «Татар халык милли бәйрәменең традицион ат чабышлары нәкъ биредә узу сәбәпле, шундый карар кабул ителгән. Моннан тыш, ипподром шәһәрнең кеше күп яши торган микрорайоны янында урнашкан», — диелә Алабуга районы хакимияте матбугат хезмәте хәбәрендә. Быел Сабан туе программасында традицион уеннар һәм ярышлар күбрәк булачак. Хәзер ипподромда территорияне төзекләндерү буенча әзерлек эшләре башланды. Читать дальше...

(Казан, 15 май, «Татар-информ», Гадел Әхмәтҗанов). Казанның 175нче гимназиясенең чыгарылыш сыйныф укучылары өчен Соңгы кыңгырау бәйрәме 174нче мәктәптә булачак. «Нәкъ бер атнадан, 22 майда, 9 һәм 11 сыйныф укучылары өчен Соңгы кыңгырау чыңлаячак. 175нче гимназиянең 9 һәм 11нче сыйныф укучылары өчен соңгы кыңгырау үз мәктәпләрендә түгел, ә 174нче мәктәптә яңгыраячак», — диде Казанның Мәгариф идарәсе җитәкчесе урынбасары Альберт Әхмәтов 174нче мәктәптә журналистлар өчен оештырылган очрашуда. Аның сүзләренчә... Читать дальше...