ლეგიონი "რუსეთის თავისუფლება" ბელგოროდის რეგიონში ბრძოლების შესახებ იტყობინება
ბელგოროდის რეგიონის ოპერატიულმა შტაბმა უარყო ინფორმაცია შეიარაღებული ადამიანების საზღვრის გადაკვეთის შესახებ, მაგრამ აღიარა, რომ იყო ბრძოლა სადემარკაციო ხაზზე სოფლების სტაროსელიეს და ტერებრენოს მიდამოებში, უკრაინის სუმის რეგიონის საზღვარზე, რის შედეგადაც მტერმა უკან დაიხია.
უკრაინიდან რუსეთში გადასული დივერსანტების ბრძოლის ან შეღწევის შესახებ ვიზუალური დადასტურებ აარ არსებობს.
ბელგოროდის რეგიონის გუბერნატორმა ვიაჩესლავ გლადკოვმა ტელეგრამის არხში გამოაქვეყნა ფოტოები ტერებრენის დაბომბვის შედეგების შესახებ. ოფიციალური ინფორმაციით, დაბომბვის შედეგად, დაზიანდა შვიდი კერძო სახლი და სამი ადმინისტრაციული შენობა.
ლეგიონ „რუსეთის თავისუფლების“ წარმომადგენლები მიზნად ისახავენ რუსეთის მიერ ოკუპირებული უკრაინის რეგიონების განთავისუფლებას, ასევე ბრძოლას პრეზიდენტ ვლადიმირ პუტინის წინააღმდეგ, რომელმაც, როგორც ლეგიონის მანიფესტში ნათქვამია, "გაანადგურა არა მხოლოდ რუსეთის ეკონომიკა, არამედ მოუსპო რუსებს განვითარების შესაძლებლობა და ბედნიერი მომავლის უფლება."
2023 წლის 15 მარტს რუსეთის უზენაესმა სასამართლომ ტერორისტულ ორგანიზაციად აღიარა ლეგიონი "რუსეთის თავისუფლება" - რუსი მოხალისეებისგან შემდგარი დანაყოფი, რომელიც უკრაინის შეიარაღებული ძალების რიგებში მოქმედებს.