თურქეთის პრეზიდენტობის ერთ-ერთმა კანდიდატმა არჩევნებამდე სამი დღით ადრე მოხსნა კანდიდატურა
პოლიტიკოსის თქმით, 45 დღის განმავლობაში თურქულ მედიაში მისი სახელი შემბღალავი ყალბი ფოტოები გავრცელდა, ხოლო სამართალდამცავმა ორგანოებმა ამ ფაქტების გამოძიებისგან თავი შეიკავეს. ინჯემ ასევე თქვა, რომ სახელმწიფომ ვერ დაიცვა მისი რეპუტაცია, როგორც ქვეყნის მოქალაქისა და თურქეთის პრეზიდენტობის კანდიდატისა.
საპრეზიდენტო არჩევნებში თურქეთის პრეზიდენტის, „სამართლიანობისა და განვითარების პარტიის“ 69 წლის ლიდერის - ერდოანის მთავარი კონკურენტია ოპოზიციური „ალიანსის“ კანდიდატი, 74 წლის ქემალ ქილიჩდაროღლუ.
ზოგიერთი გამოკითხვით, ქილიჩდაროღლუს ახლა მეტი ემხრობა, ვიდრე ერდოანს. თურქეთის ერთ-ერთი უმსხვილესი გამოცემის, ონლაინგაზეთ Hürriyet-ის მიხედვით - რომელიც ადრე ოპოზიციურად ითვლებოდა, მაგრამ ბოლო წლებში მასზე კონტროლი მმართველი პარტიის მომხრეების ხელში გადავიდა - მაისის დასაწყისში არსებული მდგომარეობით, ვერცერთი კანდიდატი ვერ აგროვებს 50%-ს, რომელიც საჭიროა გამარჯვებისთვის.