რესპუბლიკური საავადმყოფოს სამედიცინო პერსონალს სამუშაო ადგილი და ანაზღაურება შეუნარჩუნდება - აზარაშვილი
„ჩვენ იმდენად მასშტაბური პროექტის დაწყებას ვგეგმავთ, იქ შეუძლებელია სამშენებლო სამუშაოების პარალელურად თუნდაც ამბულატორიის ნაწილი დარჩეს და გააგრძელოს ფუნქციონირება. ამიტომ სამედიცინო პერსონალთან დაკავშირებულ ყველა თანამშრომელს, ჩვენ გადავანაწილებთ სხვადასხვა კლინიკაში, იგივე შემოსავლით, იგივე პოზიციაზე და თუ ამ პერიოდში გადანაწილებას ვერ შევძლებთ, ვინც არ იქნება დასაქმებული იმ პერიოდისთვის გავაგრძელებთ იგივე სახელფასო ანაზღაურების გადახდას“, - განაცხადა ზურაბ აზარაშვილმა.
რაც შეხეება რესპუბლიკური საავადმყოფოს შენობას, ჯანდაცვის მინისტრის განცხადებით, საჭიროა შენობის ნაწილის დემონტაჟი. მისი სიტყვებით, 70 -იან წლების დასაწყისში აშენებულ შენობას ეტაპობრივად უტარდებოდა სარემონტო სამუშაოები. თუმცა, მისი თქმით, შეუძლებელი იყო შენობის მუდმივი რემონტის ქვეშ შენარჩუნება „ხარისხისა და ინფექციის კონტროლის ის სტანდარტით“, რომელსაც სამინიტრო სხვა კლინიკებს სთხოვს.
მისი თქმით, მომავალ კვირაშ გაიმართება პროექტის პრეზენტაცია, რომლის ფარგლებშიც ყველა დაინტერესებული პირი დეტალურ ინფორმაციას მიიღებს თუ რატომ გახდა რესპუბლიკური საავადმყოფოს შენობის დემონტაჟი აუცილებელი.
„მნიშვნელოვანია ის ინვესტიცია რაც გადაკეთების გამო, ასევე მდგრადობასთან დაკავშირებული პრობლემების გამო შეიძლება იქ ყოფილიყო ამ მიმართულებით რომ წავსულიყავით. ვერანაირად ფინანსურად ასევე ხარჯთეფექტურობის კუთხით მაგ მიმართულებით წავლა გამართლებული ვერ იქნება. შესაბამისად, დავტოვებთ ამ შენობის შედარებით ახალ ნაწლს, სადაც განთავსება ექიმების და სხვა პერსონალის ნაწილის ადმინისტრაციული პერსონალის კაბინეტები, ხოლო იმ დარჩენილი შენობის მიმდებარედ აშენდება ახალი კლინიკა, რომელიც იქნება იმ სტანდარტების და შესაბამისობის, რომელიც საქართველოში ყველა კლინიკამ უნდა დააკმაყოფილოს 2025 წლიდან. შესაბამისად, იმაზე საუბარი, რომ ან რესპუბლიკური საავადმყოფო სადმე გადადის ან პერსონალს სახლში უშვებენ, არის ყველანაირ აზრს მოკლებული“,- განაცხადა ზურაბ აზარაშვილმა.
ყიფშიძის სახელობის ცენტრალური საუნივერსიტეტო კლინიკის შენობაში, დღეს 27 მარტს ათეულობით მედიკოსი შეიკრიბა და პირთა გადადგომა მოითხოვა, რომლებიც გადაწყვეტილებებს თანამშრომლების ინტერესების გათვალისწინებით არ იღებენ.
რესპუბლიკური საავადმყოფოს თანამშრომლები მას შემდეგ დაიწყეს საპროტესტო შეკრებები, რაც მათთვის ცნობილი გახდა, რომ კლინიკის შენობა უნდა დანგრეულიყო, სამედიცინო პერსონალი მოითხოვს პასუხს მათ სამომავლო ბედთან დაკავშირებით.
რესპუბლიკურ საავადმყოფოში შეკრებილი სამედიცინო პერსონალის პროტესტი პარალელურად მიმდინარე ღონისძიებაზე სიტყვით გამოსვლისას საქართველოს პრემიერ-მინისტრტმა ირაკლი ღარიბაშილმა, "ტყუული" და "პროპაგანდა" უწოდა ინფორმაციას სამედიცინო პერაონალის შესაძლო უმუშევრად დატოვების თაობაზე. მისი სიტყვებით, რესპუბლიკური საავადმყოფოს არც ერთი თანამშრომელი არ დარჩება სამსახურის გარეშე.
რესპუბლიკური საავადმყოფოს დანგრევის აუცილებლობაზე საქართველოს ჯანდაცვის მინისტრმა ზურაბ აზარაშვილმა დაახლოებით ერთი თვის წინ, 15 თებერვალს, ისაუბრა. მან მთავრობის სხდომის დასრულების შემდეგ თქვა, რომ მალე გახდება ცნობილი, "სად და რა კონცეფციის" რესპუბლიკური საავადმყოფო აშენდება დაახლოებით 2-2,5 წელში.