ბოლო 1 წელში რუსეთის 3000-ზე მეტმა მოქალაქემ მიიღო საქართველოს მოქალაქეობა
სტატისტიკური ინფორმაცია უკრაინისა და რუსეთის მოქალაქეების შესახებ სადეპუტატო კითხვის ფორმატში "სტრატეგია აღმაშენებლის" წევრმა, პაატა მანჯგალაძემ გამოითხოვა იუსტიციის სამინისტროდან.
ბოლო ერთ წელში საქართველომ რუსეთის 3297 მოქალაქეს (დაკმაყოფილდა 39,6%) მიანიჭა საქართველოს მოქალაქეობა, უკრინის შემთხვევაში კი 78-ს (დაკმაყოფილდა 37%). რუსეთის 5814 მოქალაქე ითხოვდა საგამონაკლისო წესით მოქალაქეობის მინიჭებას, საიდანაც მხოლოდ 28% - 1625 განაცხადი დაკმაყოფილდა. ყველაზე მეტია (1666) იმ ადამიანების რიცხვი, ვინც რუსეთის მოქალაქე იყო და საქართველოს მოქალაქეობის აღდგენა მოითხოვა.
უკრაინაში ომის დაწყების შემდეგ რუსეთის წინააღმდეგ სანქციების დაწესების პარალელურად, საქართველოში გაიზარდა რუსეთიდან შემოსული მოქალაქეების რაოდენობა. საქართველოს რუსეთთან უვიზო მიმოსვლა აქვს დაწესებული.