ზელენსკი: გამარჯვება გარდაუვალი იქნება, თუ საშინაო დავალებას ყველა შევასრულებთ
ზელენსკიმ პრესკონფერენცია გამოიყენა, რათა რუსეთის ხელისუფლებისთვის მიემართა, შეცვალოს კურსი: „გეთაყვა, პატივი ეცით ჩვენს უფლებას, ვიცხოვროთ ჩვენს მიწაზე. დატოვეთ ჩვენი ტერიტორია. შეწყვიტეთ ჩვენი დაბომბვა“, თქვა მან.
„შეწყვიტეთ მთელი ჩვენი ინფრასტრუქტურის, ენერგეტიკის განადგურება, სასმელი წყლის მოსპობა. შეწყვიტეთ ქალაქების და სოფლების დაბომბვა, ძაღლების და კატების, უბრალოდ ცხოველების ხოცვა, ტყეებისთვის ცეცხლის წაკიდება," - მიმართა ზელენსკიმ მოსკოვს.
უკრაინის პრეზიდენტი თვლის, რომ ყოველდღიურად საჭიროა მშვიდობისთვის ინვესტირება. „თუ ჩვენი პარტნიორები დაიცავენ დაპირებებს და ვადებს, ჩვენ გავიმარჯვებთ,“ თქვა ზელენსკიმ პრესკონფერენციაზე, რომელიც დაღუპულების ხსოვნისადმი მიძღვნილი წუთიერი დუმილით დაიწყო.
ზელენსკი თვლის, რომ რუსეთი ნატოს ქვეყნებსაც მისწვდება, თუ აშშ უარს იტყვის უკრაინისთვის დახმარებაზე.
„თუ ჩვენ ყველა შევასრულებთ საშინაო დავალებას, ყველა გავიმარჯვებთ,“ -ფიქრობს უკრაინის პრეზიდენტი. ზელენსკის თქმით, გაეროს წევრმა 141-მა ქვეყანა მიემხრო უკრაინის ტერიტორიული მთლიანობას და ახლა საჭიროა იმ სახელმწიფოებთან მუშაობა, რომლებიც არ არიან აქტიურები.
უკრაინის პრეზიდენტმა პრესკონფერენციის დროს კიევის მახლობლად მდებარე პატარა ქალაქ ბუჩის მშვიდობიან მოსახლეობასთან რუსეთის არმიის ანგარიშსწორებას უწოდა უკრაინაში ომის შეჭრის შემდეგ ყველაზე საშინელი მომენტი და თქვა, რომ ეს იყო ყველაზე საშინელი დღე. მან გაიხსენა ბუჩაში ნაპოვნი მოკლული ადამიანები, რომელთაგან ზოგიერთს ხელები ჰქონდათ ზურგს უკან შეკრული და მოითხოვა, რომ რუსეთის პასუხისგებაში მისცენ ომის დანაშაულისთვის. ომის საუკეთესო მომენტი, კერძოდ, „გამარჯვების დღე“ წინ არის თქვა ზელენსკიმ კიევში 24 თებერვალს.
ზელენსკიმ პრესკონფერენციაზე, შეკითხვაზე, თუ რა იყო ყველაზე დიდი იმედგაცრუება ომის დაწყების შემდეგ, უპასუხა, რომ ბევრმა ადამიანმა დატოვა უკრაინა და ქვეყანა ისე, რომ არავითარი წინააღმდეგობა არ გაუწევიათ. „ამ ადამიანებმა გამიცრუეს იმედი“ თქვა მან.
ზელენსკიმ აღიარა, რომ ხანდახან შეცდომებს უშვებს და განმარტა, რომ ეს ხდება, როცა დილიდან ღამემდე მუშაობს. მაგრამ, მისი თქმით, მან შეცდომები თავიდან უნდა აიცილოს: „მე კონსტიტუციის გარანტი ვარ“ , თქვა უკრაინის პრეზიდენტმა.
ზელენსკის სურს გაიმართოს შეხვედრა სამხრეთ ამერიკის და აფრიკის სახელმწიფოებთან, მისი თქმით, მნიშვნელოვანია ინდოეთის და ჩინეთის ჩართვა კიევის სამშვიდობო ფორმულაში.
უკრაინის პრეზიდენტი თვლის, რომ მის ქვეყანას სჭირდება უსაფრთხოების გარანტიები. ზელენსკის თანახმად, ის იყურება წინ და თუ მსოფლიოს ტოტალური მხარდაჭერა იქნება, უკრაინა გაიმარჯვებს. უკრაინის ტერიტორიაზე ომის დანაშაულის გამოსაძიებლად ტრიბუნალთან დაკავშირებით უკრაინის პრეზიდენტმა განაცხად, რომ ამაზე მიდის მუშაობა, მას, ამაში, მხარს უჭერენ ჰოლანდია და ბრიტანეთი, ასევე სხვა მოკავშირეები.
უკვე არსებული ინსტიტუტების გარშემო ზელენსკიმ თქვა, რომ მათ არ აქვთ ამგვარი ომის, ასეთი აგრესიის გამოცდილება. ომის სინამდვილეში 2014 წელს დაიწყო და ამ ომმა გამოააშკარავა უკვე არსებული საერთაშორისო ინსტიტუტების სუსტი ადგილები.
ის თვლის, რომ საჭიროა მშვიდობისთვის ახალი სტრუქტურების შექმნა. ჩინეთის მიერ წარმოდგენილი გეგმის გარშემო ზელენსკიმ თქვა, რომ ეს უფრო პეკინის მოსაზრებები იყო, ვიდრე გეგმა, მაგრამ „ჩინეთმა უკრაინაზე ლაპარაკი დაიწყო და ეს არ არის ცუდი“ - თქვა ზელენსკიმ, „ვფიქრობ, ჩანს ჩვენი ტერიტორიული მთლიანობის და უშიშროების საკითხებისადმი პატივისცემა“, დასძინა მან. ზელენსკის თანახმად, ის გეგმავს ჩინეთის ლიდერთან, სი ძინპინთან შეხველრას, რაც, მისი თქმით "სასარგებლო იქნება ჩვენი ქვეყნებისთვის და მსოფლიოში უსაფრთხოებისთვის".
უფრო ადრე, ზელენსკიმ გაიმეორა, რომ ის არ აპირებს რუსეთის პრეზიდნტთან, ვლადიმირ პუტინთან მოლაპარაკებას.
ზელენსკიმ აღიარა, რომ ხანდახან შეცდომებს უშვებს და განმარტა, რომ ეს ხდება, როცა დილიდან ღამემდე მუშაობს. მაგრამ, მისი თქმით, მან შეცდომები თავიდან უნდა აიცილოს: „მე კონსტიტუციის გარანტი ვარ“ , თქვა უკრაინის პრეზიდენტმა.