პრეზიდენტი სალომე ზურაბიშვილი „ბუსტერით“ აიცრა
პრეზიდენტი „ასტრაზენეკას“ ვაქცინის ორი დოზით იყო აცრილი, "ბუსტერად" კი „პფაიზერის“ დოზა გაიკეთა, ინფექციური პათოლოგიის, შიდსის და კლინიკური იმუნოლოგიის ცენტრში.
იმუნიზაციის საბჭოს რეკომენდაციით, საქართველოში კორონავირუსის საწინააღმდეგო ვაქცინის "ბუსტერ", იგივე მესამე დოზის გაკეთება მეორე აცრიდან 3 თვეშია შესაძლებელი. მანამდე "ბუსტერ" დოზის გაკეთება "ასტრაზენეკასა" და "პფაიზერის" ვაქცინის შემთხვევაში, მეორე აცრიდან 5 თვის გასვლის შემდეგ იყო დასაშვები. სხვა ვაქცინების - "სინოფარმისა" და "სინოვაკის" შემთხვევაში კი 3 თვის გასვლის შემდეგ.