უნგრეთი აკრიტიკებს ევროკავშირს, რომელიც პოლონეთს ჯარიმით ემუქრება მოსამართლეთა პალატის გამო

უნგრეთის იუსტიციის მინისტრმა „ქედმაღალი“ უწოდა ევროკავშირის მმართველობას მას მერე, რაც მისმა აღმასრულებელმა ხელისუფლებამ მიმართა ევროკავშირის უზენაეს სასამართლოს თხოვნით, ფინანსური სანქციები დაუწესოს პოლონეთს სასამართლოს სფეროში ძველი კამათის გამო, რამაც შეიძლება გამოიწვიოს ვარშავასა და ბრიუსელს შორის კანონის უზენაესობის სფეროში ურთიერთობის გამწვავება.


უნგრეთის მთავრობა გმობს „ბრიუსელის ბოროტგანზრახულ თავდასხმებს“, განაცხადა უნგრეთის იუსტიციის მინისტრმა, იუდით ვარგამ ფეისბუკის საშუალებით 8 სექტემბერს გვიან ორი დღის შემდეგ მას მერე, რაც ევროპის კომისიამ, რომელიც წევრებთან დადებული ხელშეკრულებების მეთვალყურეა, თხოვნით მიმართა მართლმსაჯულების ევროპულ სასამართლოს (ECJ), დაუწესოს პოლონეთს ფინანსური სანქციები არაერთგვაროვანი სასამართლო პალატის გამო.  


ევროკავშირის კომისიამ 7 სექტემბერს მიმართა სასამართლოს თხოვნით, რადგან პოლონეთმა არ მიიღო „აუცილებელი ზომები ევროპის სასამართლოს მიერ ადრე დაწესებული  დადგენილების შესასრულებლად“ მოსამართლეთა პალატის თაობაზე.   


სამი კვრის წინ პოლონეთის მთავრობამ გამოაცხადა პალატის დაშლის შესახებ, რაც ერთ-ერთ სასამართლოს რეფორმაზე უარის თქმას წარმოადგენს და რაც  ევროკავშირთან კონფლიქტს ნიშნავს.


2018 წელს შექმნილი პალატა პოლონეთში უფლებამოსილია გაათავისუფლოს ნებისმიერი პროკურორი და მოსამართლე.    


ევროპულმა სასამართლომ დაადგინა, რომ პალატა შეიძლება გამოყენებულ იქნეს „სასამართლო გადაწყვეტილებების პოლიტიკური კონტროლისა  და მოსამართლეებზე ზეწოლისთვის“.  ევროპის კომისია ამტკიცებს, რომ იძულებული იყო ეს ზომები მიეღო, რადგან უკვე გამოჩნდა იმის ნიშნები, რომ ევროპული სასამართლოს შეშფოთება დასტურდება.


ევროკავშირთან არაერთი დაპირისპირება აქვს უნგრეთსაც ისეთ საკითხებში როგორიცაა კანონის უზენაესობა, პრესის, ლგბტ და სხვა უმცირესობების უფლებები.