საქართველოს ძიუდოისტთა ნაკრებმა ვერცხლის მედლით გახსნა ევროპის ჩემპიონატი
ფინალის გზაზე მარგველაშვილმა ესპანელი ადრიან ნიეტო ხინარო, ბელარუსი დმიტრი მინკოუ და სერბი სტრაჰინია ბუნჩიჩი დაამარცხა. საჩემპიონო შეხვედრა კი იტალიელ მანუელ ლომბარდოსთან წააგო.
ევროპის ჩემპიონატი ვაჟა მარგველაშვილისგან განსხვავებით, წარუმატებელი გამოდგა თემურ ნოზაძისთვის (60 კგ), ტატიანა ლევიცკა-შუკვანისთვის, მარიამ ჯანაშვილისა (ორივე 52 კგ) და ეთერ ლიპარტელიანისთვის (57 კგ). მათგან საპრიზო სამეულთან ყველაზე ახლოს ლიპარტელიანი მივიდა - რეპეშაჟის ფინალში დამარცხდა და საბოლოოდ მეხუთე ადგილს დასჯერდა.
17 აპრილს, საქართველოს სახელით ევროკონკურენციაში ჩაებმებიან ლაშა შავდათუაშვილი (73 კგ) და მარიამ ჭანტურია (70 კგ). ჩემპიონატის ბოლო დღეს - 18 აპრილს კი ტატამზე გავლენ: ლაშა ბექაური, ბექა ღვინიაშვილი (ორივე 90 კგ), ვარლამ ლიპარტელიანი, ილია სულამანიძე (ორივე 100 კგ), გურამ თუშიშვილი, ლევან მატიაშვილი (ორივე +100 კგ) და სოფიო სომხიშვილი (+78 კგ).