კანადამ ტერორისტულად აღიარა ორგანიზაცია „რუსული იმპერიული მოძრაობა“
ამის თაობაზეცნობა გაავრცელა კანადის საზოგადოებრივი უსაფრთხოების მინისტრმა, უილიამ ბლერმა.
„რუსული იმპერიული მოძრაობა“ მოხვდა „იდეოლოგიურად მოტივირებულ ექსტრემისტულ ორგანიზაციებს“ შორის „ამაყი ბიჭებსა“ და „თეთრი რასის“ უპირატესობის აღიარების მიმდევარ კიდევ ორ ორგანიზაციასთან ერთად.
„რუსეთის იმპერიული მოძრაობა“, სანქტ-პეტერბურგშია დაფუძნებული. შარშან ის აშშ-მა შეიტანა ტერორისტული ორგანიზაციების სიაში. ამ გადაწყვეტილების საფუძვლის გარშემო ცნობები არ გავრცელებულა.
რადიო თავისუფლების რუსული სამსახურის თანახმად, ცნობილია, სხვათა შორის, ორგანიზაციის კორდინატორის, სტანისლავ ვორობიოვის სიტყვებით, რომ ორგანიზაცია ამზადებდა და აგზავნიდა მოხალისეებს დონბასში უკრაინის ჯართან საბრძოლველად.
დასავლეთის მედიის თანახმად, ორგანიზაციას არ აქვს კავშირი რუსეთის მთავრობასთან, მაგრამ ხელისუფლება წინ არ აღუდგა მის საქმიანობას.
მოძრაობის საიტი არ განახლებულა 2020 წლის მერე.
გამოქვეყნებული პროგრამის თანახმად, მოძრაობა რუსეთის მონარქიის და რუსეთის იმპერიის აღდგენის მომხრეა პოსტსაბჭოთა სივრცეში არსებული ქვეყნების გაუქმების გზით.