بادغیس کې د والیبال سیالۍ پيل شوې
د افغانستان د بدني روزنې او ورزش رياست په خپل فيسبوک پاڼه کې ليکلي چې دغه سيالۍ د 'سولې او افغانستان زما وطن' په نوم تېره ورځ په بادغيس ولايت کې پيل شوې.
د دې رياست د معلوماتو له مخې، دا سیالۍ د ۸ لوبډلو ترمنځ پیل شوي چې لس ورځې به دوام وکړي.
خبر ځای وايي، دغه سيالۍ هره ورځ د بادغيس ولايت د بدني روزنې او ورزش رياست په ورزشي جمنازيوم کې ترسره کيږي او ټاکل شوې نن د 'آریانا-هېواد' او 'تابان-درخشان' لوبډلې له یو بل سره مخامخ شي.