بریتانیا وایي غلطه محاسبه به د روسیې او لوېدیځ ترمنځ د جګړې سبب شي
جنرال نیک کارټر له ټایمز راډیو سره په هغه مرکه کې چې ټاکل شوې بشپړه بڼهیې نن یکشنبه خپره شي، په نړیواله صحنه کې د پناه غوښتونکو، د تېلو د بیو لوړېدو، نیابتي جګړو یا هم انټرنټي حملو په څېر مسایلو د وسیلې په توګه استفادې ته اشاره وکړه.
د بریتانیا لوی درستیز زیاته کړه، د سړې جګړې د مهال ابزارونه او دودیز ډیپلوماتیک مېکانیزمونه لهمنځه تللي او کړکېچونو ته لمن وهل ممکن د غلطې محاسبې سبب شي.
دا څرګندونې داسې مهال کېږي چې د بلاروس او د اروپايي ټولنې د غړي هېواد پولنډ پر پوله د پناه غوښتونکو کړکېچ زیات شوی دی.
امریکايي او اروپايي چارواکو پر دې پوله د پوځي تقابل په اړه خبرداری ورکړی دی.