د افغانستان د سوداګرۍ او پانګونې خونې مشر هندي سوداګرو سره کتلي
د سوداګرۍ او پانګونې خونې مرستیال یونس مومند ازادي راډیو ته وویل چې دغه کتنه نن سې شنبه (د وري ۳مه) د هندستان د یو لوی نندارتون (INDUS FOOD) په څنډه کې شوي ده.
نوموړي وویل چې ښاغلي توکل احمدیار د نندارتون ترڅنګ له یو شمېر هندي چارواکو، متشبثینو او چارواکو سره هم کتلي دي.
د ښاغلي مومند په خبره چې دغو خبرو کې د خصوصي سکټور او دواړو هېوادونو د اړېکو په پراختیا، سوداګرۍ او د پانګونې په زياتوالي ټینګار شوی.
د هندستان (INDUS FOOD) په نوم د خوړو نندارتون هرکال د هند د سوداګرۍ د پراختیا وزارت او د دغه هېواد د متشبثینو په همکارۍ جوړېږي.