Новости за 16.07.2021

د قرغزستان د بهرنیو چارو وزارت له افغانستانه د افغاني‌الاصله قرغز وګړو د تسلیمۍ لپاره له تاجکستان څخه د همکارۍ غوښتنه وکړه. ویل شوي، د افغانستان په شمال کې د جګړې له شدت سره په سلګونه قرغزان له افغانستانه تاجکستان ته تښتېدلي دي. د قرغزستان د بهرنیو وزارت پرون په یوه اعلامیه کې وویل، دوی له ملګرو ملتونو هم غوښتنه کړې، د هغو قرغزانو په ستنولو کې همکاري وکړي چې تېره سې شنبه او چهارشنبه له افغانستانه تاجکستان ته اوښتي دي. اټکل کېږي چې په افغانستان کې به په خټه د قرغز وګړو شمېر تر ۱،۰۰۰ زیات وي. Читать дальше...

د ارزګان والي وايي، په مرکز ترینکوټ کې د ملي امنیت د یوه څارنوال د وژنې په تړاو څېړنې پیل شوې دي. محمد عمر شېرزاد  پرون ناوخته رسنیو ته وویل څارنوال حبیب‌الله بادینزي پرون مازیګر د نامعلومو وسله‌والو له‌خوا ووژل شو. ښاغلی شېرزاد زیاتوي: "د کورني او بهرني امنیت څارنوالۍ د څېړنې څارنوال، د نامعلومو وسله‌والو له‌خوا په بې‌غږه تفنګچه شهید کړای شوی دی. موضوع تر تعقیب او څېړنې لاندې ده." د پېښې مسؤلیت چا نه‌دی منلی.

په ازبکستان کې د «مرکزي او جنوبي اسیا: سیمه‌ییز اتصال، فرصتونه او ننګونې» په نوم نړیوال کنفرانس پرون پیل شوی چې ولسمشر محمد اشرف غني نن ورته وینا کوي. جمهوري ریاست وايي، نن جمعه «۱۴۰۰ کال د چنګاښ ۲۵» د ازبکستان په پلازمېنه تاشکند کې د افغانستان په اړه د نړیوال کنفرانس وروستۍ ورځ ده چې پر بېلابېلو مسایلو په‌کې بحث کېږي. ویل شوي، په دغه کنفرانس کې ۲۵۰ ګډونوال او د ۴۰ هېوادونو استازي برخه لري چې بحثونه‌یې پر تجارتي همکاریو او د امنیتي ګواښونو په وړاندې پر مبارزه راټول دي. د جمهوري ریاست مرستیال... Читать дальше...

مېل انلاین او ډفېنس پوسټ مېل انلاین او ډفېنس پوسټ خپرونو په خپلو اخري ګڼو کې په افغانستان کې د طالبانو د احتمالي درې میاشتني اوربند د وړانديز په اړه مقالې خپرې کړې دي.  مېل انلاین په قطر کې د افغان دولت د مرکچي ټیم د یوه غړي نادر نادري له قوله لیکلي چې وايي، طالبانو د درې میاشتو د اوربند وړاندیز کړی دی او په بدل کې يې غوښتي چې افغان حکومت دې د دوی ۷ زره بندیان راخوشې کړي. ډفېنس پوسټ ورځپاڼې د ښاغلي نادر نادري له قوله لیکلي چې ویلي يې دي، طالبانو همداراز له ملګرو ملتونو غوښتي چې د دوی د مشرانو... Читать дальше...

د افغانستان په ځينو ولايتونو کې نېښ وهل او د ترياکو راټولول پای ته رسېدلي، خو د جګړو له ډېرېدو سره سم له دغه هېواد څخه دباندې د ترياکو قاچاق هم پيل شوی دی. د جګړو د ډېرېدو په لړ کې د افغانستان په هغو سيمو کې جګړو ډېر زور اخیستی چې هلته په وروستیو کلونو کې ډېر کوکنار کرل کېدل او د نشه‌يي موادو د توليد کارخانې هم په‌کې جوړې شوې وې. له نشه‌يي موادو سره د مبارزې معين وحيدالله کلیمزي له ازادي راډيو سره په خبرو کې ومنله چې وروستيو جګړو د دوی فعاليتونه ټکني کړي، خو ده زياته کړه چې دوی له نشه‌يي موادو سره د مبارزې لپاره کافي امکانات لري. Читать дальше...

زرګونه معتادين د اختر په ورځو کې له کورنيو څخه لیرې د سړکونو پر غاړه او يا په کنډوالو کې شپې او ورځې تېروي، خو د دوی په زړونو کې داسې درد پټ دی چې د دوی ذهن سخت ځوروي. یو له دغو معتادینو پردېس دی چې څو اخترونه‌يې له کوره لیرې پر تش ډګر يا کنډوالو کې تېر کړي، ده په دې وروستيو وختونو کې ځان د درملنې په يوه مرکز کې بستري کړی دی. د پردېس اوس هم هغه ورځې يادې دي چې اختر به و او ده به اختر له خپلې کورنۍ سره يوځای لمانځه، خو نشې له هغه څخه هم روغتيا او هم خوښي واخيسته. پردېس وايي: "پخوا چې جوړ وم... Читать дальше...