Новости за 02.12.2021

Қамчибек Тошиев, раиси Кумитаи давлатии амнияти миллии Қирғизистон, гуфт, вазъ дар сарҳад бо Тоҷикистон "зери назорат аст". Вай дар ин бора рӯзи 2-юми декабр дар мусоҳиба бо шабакаи NUR-ТВ изҳори назар кард.

Омикрон номи вируси наву тағйирёфтаи СOVID-19 аст, ки моҳи ноябр дар Африқои Ҷанубӣ кашф шуд. Олимон аз афзоиши ангезандаҳо дар протеинҳои сатҳи ин вируси такомулёфта нигаронанд, ки бемории COVID-19 бармеангезад. Дар ин шакл вирус вогиртар ва муқовим ба ваксинаҳои мавҷуд мешавад.

Паҳншавии Омикрон, як навъи тағйирёфтаи коронавирус, бисёре аз кишварҳоро маҷбур кард, ки аз пайи ҷорӣ кардани маҳдудиятҳои бештар шаванд. Омикрон, ки дар Африқои Ҷанубӣ пайдо шуд, ба беш аз бист кишвар роҳ ёфтааст. Омикрон чист ва дар борааш чиро бояд донист?

Гурӯҳе аз паноҳандагон ва сафиру мансабдорони ҳукумати барканоршудаи Афғонистон дар Тоҷикистон аз тасмими надодани курсии Кобул ба Толибон дар Созмони Милали Муттаҳид ситоиш карданд. Нишаст рӯзи 2-юми декабр баргузор шуд.

Як кумитаи СММ рӯзи 1-уми декабр қарор кард, ки ҳеҷ нафаре аз маъмурияти “Толибон” дар ин созмон намояндагӣ нахоҳад кард. Ин хабарро дар Душанбе Муҳаммад Заҳир Ағбар хуш пазируфт, ки ӯ ҳам сафири ҳукумати пешини Афғонистон аст.

Як созмони ҷамъиятии амрикоӣ дар якҷоягӣ бо Сафорати ИМА дар Тоҷикистон, дар як соли оянда ба мактаби афғонии "Сомониён" дар Душанбе беш аз 80 ҳазор доллар кӯмак хоҳанд кард. Ҳадаф аз ин кӯмак, ҳифзи ин ягонаи мактаби афғонӣ дар Тоҷикистон ва идомаи фаъолияти он, гуфта шудаааст. Дар пайи суқути ҳукумати пешини Афғонистон ва ба сари қудрат омадани Толибон, масъулини ин мактаб нигаронӣ карда буданд, ки бинобар мушкили молӣ, эҳтимол дорад ин мактаб аз фаъолият боз монад. Ин мактаб аз сӯи ҳукумати Афғонистон сармоягузорӣ мешуд. Читать дальше...

ФСБ ё Хадамоти федеролии амнияти Русия мегӯяд, се шаҳрванди Украинаро, ки ба ҳамкорӣ бо ниҳодҳои амниятии ин кишвар гумонбаранд, дастгир кардааст.

Нилуфар Раҷабова, духтари Раҳматуллои Раҷаб, гуфт, мақомоти Тоҷикистон ба зидди ӯ бар асоси моддаи "ифротгароӣ бо истифода аз Интернет" (қисми дуи моддаи 307(1)-и Кодекси ҷиноӣ) парванда кушодаанд. Ин банди қонун аз панҷ то даҳ сол ҷазоро дар назар дорад.

Иттиҳодияи тенниси занон (WTA) рӯзи 1-уми декабр эълон кард, ки баргузории ҳама гуна мусобиқаҳои ин созмонро дар Чин, бо шумули Ҳонгконг, ба хотири нигарониҳо аз амнияти варзишгари чинӣ Пэн Шуай боз доштааст.

Ба хабари пулис, гумонбар сокини 23-солаи вилояти Чӯйи Қирғизистон аст. Ӯ телефони мобилиеро, ки аз Текебоев дуздида буд, ихтиёрӣ баргардонида, дар ҳоли ҳозир дар боздоштгоҳ қарор дорад.

Мақомоти Ҷумҳурии Чех раиси Федератсияи Футболи Беларус Владимир Базанов ва ҳамсарашро ба хотири амали хилофи қонунҳои давраи пандемияи COVID-19 аз ин кишвар берун кардаанд.

Иттиҳоди ҷаҳонии гуштӣ (UWW - United World Wrestling) феҳристи навшудаи беҳтарин гуштигирони тарзи озод ва юнониву румиро дар сомонаи худ нашр кард. Ба ин феҳрист узви дастаи мунтахаби Тоҷикистон Далер Ризозода низ шомил шудааст.

Вазорати мудофиаи Тоҷикистон хабар дод, ки даъват ба артиш расман поён ёфтааст, аммо даъвати ҷавонон ба комиссариатҳои ҳарбмии маҳалли зисташон давом хоҳад кард.

Як зани рӯзноманигор аз Афғонистон иддао дорад, ки мақомоти Тоҷикистон ӯ ва 13 узви хонаводаашро ба Толибон супурдаанд.

Ин бозор аз маркази ноҳия се километр дур аст ва савдогарон нигаронанд, ки муштариёни худро аз даст медиҳанд.

Маҳмадалӣ Ҳайит ба ҳабси абад маҳкум шудааст ва дар ним сол як бор ҳақ дорад, ки бо зану фарзандон ё хешовандони дигари наздик мулоқот кунад, вале ҳафтаи гузашта масъулони Боздоштгоҳи рақами 1-и Душанбе (СИЗО) ба онҳо иҷозаи вохӯриро надоданд.

Пайвандони Маҳмадалӣ Ҳайит, узви зиндонии ҳизби дар кишвар мамнӯи наҳзати исломӣ, пас аз радди мулоқот бо ӯ аз сарнавишташ дар боздоштгоҳ нигаронанд. Ҳайит ба ҳабси абад маҳкум шудааст ва дар ним сол як бор ҳақ дорад, ки бо зану фарзандон ё хешовандони дигари наздик мулоқот кунад, вале ҳафтаи гузашта масъулони Боздоштгоҳи рақами 1-и Душанбе (СИЗО) ба онҳо иҷозаи вохӯриро надоданд.

Конфедератсияи футболи Осиё меъёри ҳузури Тоҷикистон ва Лубнонро дар Лигаи қаҳрамонҳои AFC-2022 тасдиқ кард. Ин дар ҳолест, ки чанд рӯз пеш дар расонаҳо хабаре пахш шуда буд, ки саҳмияҳои Тоҷикистону Лубнон барои ширкат дар Лигаи қаҳрамонҳои Осиё-2022 ба далели дер фиристодани аснод лағв шудаанд. Аммо торнамои "Рейтинги футбол" бо нашри як хабари фаврӣ эълом кард, ки Конфедератсияи футболи Осиё ба бошгоҳҳои Тоҷикистон ва Лубнон иҷозаи ширкат дар ин мусобиқотро додааст. Ҳамин тариқ, бошгоҳи “Истиқлол”-и... Читать дальше...

Ҳукумати Бадахшон ва Раёсати корҳои дохилии ин вилоят эълон карданд, шахсоне, ки дар тазоҳуроти чоррӯза дар Хоруғ ширкат карданд ва ҷинояти дигаре содир накарданд, ба ҷавобгарӣ кашида намешаванд. Ин эълон шаби 1-уми декабр тавассути телевизиони маҳаллӣ пахш шуд.

Гуруҳе аз сокинони Қирғизистон дар пасманзари нашри натиҷаҳои баҳсбарангези интихоботи порлумонӣ истеъфои раиси Комиссияи марказии интихобот ва раъйпурсии он кишвар (КМИР) Нурҷон Шайлдабековаро талаб мекунанд. Ба гуфтаи муаллифони муроҷиатнома, "мардум бо вуҷуди ваъдаҳо барои баргузор кардани интихоботи шаффоф, ин бор низ ноумед шуданд". Онҳо мегӯянд, интихоботи ахири порлумонии Қирғизистон бо қонуншиканиҳои зиёд баргузор шуда, масъулони КМИР натиҷаҳои интихоботро ба таври густурда сохтакорӣ кардаанд. Читать дальше...

Мақомоти Русия талаб карданд, ки то рӯзи 31-уми январи соли 2022 кормандони сафорати ИМА, ки бештар аз 3 сол дар Москва буданд, Русияро тарк кунанд. Дар ин бора рӯзи чаҳоршанбе Мария Захарова, сухангӯи Вазорати корҳои хориҷии Русия хабар дод. Тасмими Москва посух ба қарори Вашингтон унвон шудааст, ки муҳлати будубоши дипломатҳои Русияро дар ИМА маҳдуд кард. Захарова гуфт, ин интихоби Русия нест - "бозиро ИМА шуруъ кардааст". Пештар Вашингтон талаб кард, ки то рӯзи 30 январи соли 2022 27 дипломати Русия ИМА-ро тарк кунанд. Читать дальше...