ევროპარლამენტის საგარეო კომიტეტმა საქართველოს სააკაშვილის გათავისუფლებისკენ და საზღვარგარეთ მკურნალობის შესაძლებლობის მიცემისკენ მოუწოდა
ევროპარლამენტის საგარეო კომიტეტმა საქართველოს მიერ ევროკავშირის ასოცირების შეთანხმების შესრულებასთან დაკავშირებულ ანგარიშს შესწორებებით მხარი დაუჭირა. შესწორებების ახალ ვერსიაში ანგარიში საქართველოს ხელისუფლებას მოუწოდებს, გაათავისუფლოს ექსპრეზიდენტი სააკაშვილი და ჰუმანიტარული მიზნებიდან გამომდინარე და პოლიტიკური პოლარიზაციის შესამცირებლად, მას საზღვარგარეთ შესაბამისი სამედიცინო მომსახურების მიღების შესაძლებლობა მიეცეს. შესწორებაში წერია, რომ ყოფილი პრეზიდენტი მიხეილ სააკაშვილი, რომლის ჯანმრთელობის მდგომარეობა მუდმივად უარესდებოდა, ჯერ კიდევ განიცდის ზრუნვის ნაკლებობას, რაც აჩენს საფრთხეს მის სიცოცხლესთან დაკავშირებით.
ანგარიშს ჰყავს 47 მომხრე, 5 მოწინააღმდეგე, 2-მა დეპუტატმა კი თავი შეიკავა.