ხაბეიშვილი: შეხვედრებზე, სადაც ოლიგარქად არ მოიხსენიებენ ივანიშვილს, სიარულს არ ვაპირებთ, ცხადია პაპუაშვილი, კობახიძე და მდინარაძე არავის მონატრებია
შეხვედრებზე, სადაც ოლიგარქად არ მოიხსენიებენ ივანიშვილს, სიარულს არ ვაპირებთ, ცხადია პაპუაშვილი, კობახიძე და მდინარაძე არავის მონატრებია, – ამის შესახებ „ნაციონალური მოძრაობის“ დეპუტატმა ლევან ხაბეიშვილმა „პალიტრანისუსის“ გადაცემაში „360 გრადუსი“ პარლამენტში, მმართველი გუნდის მიერ ინიციირებულ სამუშაო ჯგუფებში მონაწილეობის საკითხთან დაკავშირებით დასმული კითხვის საპასუხოდ განაცხადა.
მისივე განმარტებით, საუბარი იმაზე, რომ ოპოზიციამ რამეს ხელი ჰკრა არასწორია, ვინაიდან, თავად „ქართულმა ოცნებამ“ და ბიძინა ივანიშვილმა ჰკრა ევროკავშირს ხელი.
„მზად ვართ მონაწილეობა მივიღოთ კონკრეტულ შეხვედრებში, მაგრამ ეს უნდა იყოს საქმიანი შეხვედრა. შეხვედრებზე, სადაც ოლიგარქად არ მოიხსენიებენ ივანიშვილს, სიარულს არ ვაპირებთ, ცხადია პაპუაშვილი კობახიძე და მდინარაძე არავის არ მონატრებია. სხვა მიმართულებით, ნებისმიერთან მზად ვართ სასაუბროდ, უბრალოდ ეს საუბარი დარჩება საუბრად თუ კონკრეტულ ქმედებებზე არ გადავალთ. როდესაც ჩვენი ქვეყნის მომავალს ეხება ეშმაკთანაც მზად ვარ სასაუბროდ. ევროპარლამენტარები ღიად ამბობენ, რომ დეოლიგარქიზაცია ივანიშვილს ეხება და სასამართლო პრობლემაა, იქ სადაც ამბობენ, რომ სასამართლოში „კლანი“ არ არის, არ ვაპირებთ საუბარს. გამართულიყო პარლამენტის სხდომა და კონკრეტული გადაწყვეტილებები მიგვეღო, ეს ხომ არ იქნებოდა პრობლემა. საუბარი იმაზე, რომ ოპოზიციამ ჰკრა რამეს ხელი არასწორია, თავად „ქართულმა ოცნებამ“ და ბიძინა ივანიშვილმა ჰკრა ევროკავშირს ხელი“, – განაცხადა ლევან ხაბეიშვილმა.