Intertat.ru

21 декабрьдә Татарстанда болытлы һава торышы була. Кар, җепшек кар явачак. Урыны белән буран, бозлавык була. Көньяк-көнбатыштан 7-12 метр тизлектә, урыны белән 15-17 метр тизлектә көчле җил. Төнлә һава температурасы -4..-9˚, көнчыгыш районнарда -11..-16˚, аязганда -20˚, иртән көнчыгыш районнарда -4..-9˚; көндез 0..-5˚ градус. Юлларда бозлавык.

Радик Шәрәфиев – популяр эстрада җырчысы һәм үзешчән композитор. Күптән түгел генә, 13 декабрьдә ул «яшь әти» исеменә дә лаек булды. Талантлы җырчы Радик Шәрәфиев һәм аның хатыны Динара уллары туганнан соң нинди хисләр кичерәләр? Бу хакта «Интертат» хәбәрчесе Руфинә Гарифуллина сорашты.

Яңа ел өстәленең патшасы – салат. Ә иң яхшысы – берничә салат булсын: төрле-төрле, ләкин туклыклы, күптөрле ингредиентлы һәм майонез яки башка аппетитлы соус белән. Чөнки елга бер генә тапкыр төн уртасында туйганчы ашарга ярый. Шуңа күрә тавык түшләре, ананас банкалары һәм сусыл креветкалар сатып алыйк. Яхшы помидорлар һәм кетердәп торган салат та комачау итмәс. Артык катлаулы булмаган рецептлар «АиФ» сайтында чыкты.

Япониядә суд ир-атны сөяркәсенә 1,5 миллион иена (766 мең сум) күләмендә компенсация түләргә мәҗбүр иткән. Сәбәбе: ул, хатыны һәм балалары булуын яшереп, сөяркә белән интим мөнәсәбәтләргә кергән. Бу хакта РЕН ТВ хәбәр итә.

Кукмара районы Вахит авылында яшәүче блогер Тәнзилә Идиятуллинага кайгы килгән, аның туганы махсус операциядә һәлак булган. Ринатны кичә туган авылында соңгы юлга озатканнар. Хәрби белән саубуллашырга бик күп халык җыелган.

Хезмәт кодексы нигезендә, хезмәткәләр ел саен түләүле чираттагы ял алырга хокуклы, ул күпчелек очракта 28 календарь көн тәшкил итә. Әмма кайбер категория хезмәткәрләр өчен ял вакыты озынрак каралган. Бу турыда «Татар-информ» яза.

Илсөя Бәдретдинованың Казанда узган концертын карарга сәхнәдәш дусты Марат Яруллин да килгән. Җырчы, башкалар кебек, сәхнәгә чәчкә бәйләме белән күтәрелмәгән, хатын-кыз өчен аеруча да кирәкле бүләк сайлаган.

Күченүләр: Камал театры яңа бинага күченеп, 4 залга ия булды

Галиәсгар Камал исемендәге Татар дәүләт академия театрының әзер булачак бинасын беренче булып журналистлар күрде, дияргә мөмкин, чөнки биредә узган иң беренче рәсми чара – Татарстан Республикасы Рәисе Рөстәм Миңнехановның федераль һәм республика матбугаты вәкилләре белән ел нәтиҗәләренә багышланган очрашуы булды.

Камал театры бинасы үзе Татарстан Республикасы Мәдәният министрлыгының йомгаклау коллегиясенең киңәйтелгән утырышы белән, ягъни рәсми чара белән ачылды. Читать дальше...

Башкортстанның Кырмыскалы районы Сарсаз авылында шәхси йортның түшәме ишелеп төшкән. Урынга Гадәттән тыш хәлләр министрлыгы һәм башка экстрен хезмәтләр килгән. Бу хакта «Башинформ» агентлыгы яза.

Мөслимнән Гүзәл Рәхимуллина җыр премьерасын тәкъдим итә.

«Ниһаять! Минем үз җырым дөнья күрде. Бик тиздән тулы версиясен ишетә алачаксыз! Бераз гына сабыр итәсе калды... Тиздэн барлык музыкаль мәйданчыкларга чыгачак», — дип яза ул социаль челтәрләрдәге сәхифәсендә.

Яңа җырның сүзләрен Динара Мөхәммәева-Шакирова язган, көен Айгиз Әхмәтов иҗат иткән.

«Сөеклем, тилмереп көткәндә-көткәндә,

Җылылык ятлардан эзлисең-эзлисең.

Күзләрен томанга әйләнгән-әйләнгән,