Базалық мөлшерлеме төмендегенде теңгенің тағдыры қандай болады
АЛМАТЫ. ҚазАқпарат - Ұлттық Банк базалық мөлшерлемені 11%-дан 10,5%-ға дейін төмендету туралы шешім қабылдады. Енді екінші деңгейлі банктерге берілетін қарыз арзан пайызбен таратылады. Нарықта арзан ақша пайда болуы несиеге деген сұранысты арттырары сөзсіз. Ал, ипотека нарығында пайыздық мөлшерлеме төмендей ме? ҚазАқпарат тілшісі мұндай қадамның теңгенің тағдырына қалай ықпал ететінін жергілікті және шетелдік сарапшылардан сұрап білді.