Пажары на Гродзеншчыне: у Ваўкавыскім раёне ў агні загінуў гаспадар дома
За апошнія суткі ў Гродзенскай вобласці здарыліся чатыры пажары, адзін чалавек загінуў, паведамляе МНС
![](https://www.gs.by/wp-content/uploads/2024/06/Tushatsb-dom-u-Novym-Syale.jpg)
Тушаць дом у Новым Сяле
24 чэрвеня ў 01.37 выратавальнікам паступіла паведамленне пра пажар у жылым доме ў вёсцы Новае Сяло Ваўкавыскага раёна. У выніку пажару знішчаны дах і маёмасць у доме, пашкоджаны сцены. У агні загінуў гаспадар дома 1967 года нараджэння.
![](https://www.gs.by/wp-content/uploads/2024/06/Paslya-pazharu-u-kvatery-na-vulitsy-S.Pankovaj-u-Vaukavysku.jpg)
Пасля пажару ў кватэры на вуліцы С.Панковай у Ваўкавыску
Днём 23 чэрвеня на вуліцы С.Панковай у Ваўкавыску гарэла трохпакаёвая кватэра на пятым паверсе шматкватэрнага дома. У выніку ўзгарання былі пашкоджаны пасцельныя прыналежнасці.
![](https://www.gs.by/wp-content/uploads/2024/06/Garyts-gaspadarchaya-pabudova-u-vyostsy-Lesnitsa-Grodzenskaga-rayona.jpg)
Гарыць гаспадарчая пабудова ў вёсцы Лесніца Гродзенскага раёна
Раніцай 23 чэрвеня ў вёсцы Лесніца Гродзенскага раёна, а вечарам на вуліцы Леніна ў Свіслачы гарэлі гаспадарчыя пабудовы. У выніку ўзгарання былі пашкоджаны будынкі і маёмасць у іх.
Прычыны пажараў высвятляюцца.
Фота МНС