ԱՄՆ դեսպանը ընտրախախտումների թեման քննարկել է գլխավոր դատախազի հետ
Գլխավոր դատախազը շեշտել է, որ հրապարակումների քանակն իրապես մեծածավալ է, բայց դրանցից որևէ մեկը անուշադրության չի մատնվում:
ԱՄՆ դեսպանը նշել է, որ իրենք նույնպես հետևել են ընտրությունների ողջ ընթացքին և իրավապահ համակարգի իրականացրած գործողություններին:
«Ես ողջունում եմ Գլխավոր դատախազության մտադրությունը վերջերս տեղի ունեցած սահմանադրական հանրաքվեի հետ կապված խախտումների վերաբերյալ արժանահավատ հաղորդումները քննության առնելու և, որտեղ անհրաժեշտ է, համապատասխան իրավական միջոցներ ձեռնարկելու վերաբերյալ», - նշել է Ռիչարդ Միլզը:
Հանդիպման ընթացքում քննարկվել են նաև ՀՀ-ում կոռուպցիայի դեմ պայքարին վերաբերող հարցեր, դեսպան Միլզը նշել է, որ ԱՄՆ դեսպանությունը պատրաստ է գործակցել ՀՀ դատախազության հետ ինստիտուցիոնալ կոռուպցիայի դեմ պայքարի ու հակամրցակցային միջավայրի կարգավորման հարցերում, որպեսզի խաղի հավասար պայմանների ապահովմամբ խրախուսվեն օտարերկրյա ներդրումները: