«Զվարթնոց» օդանավակայանի մամուլի քարտուղարը մեկնաբանել է ինքնաթիռում իբր տեղադրված ռումբի մասին լուրերը
ԵՐԵՎԱՆ, 24 մարտի. /ԱՌԿԱ/. «Զվարթնոց» օդանավակայանի մամուլի քարտուղար Գևորգ Աբրահամյանը «Նովոստի–Արմենիա» գործակալությանը մեկնաբանեց Երևան–Մոսկվա ուղևորվող ինքնաթիռներից մեկում տեղադրված ռումբի վերաբերյալ լուրերը։
«Ինչ–որ մեկն այս մասին էլեկտրոնային նամակ է գրել», – ասաց Աբրահամյանը։
Նա հայտնեց, որ չգիտի,թե ով է գրել այդ էլեկտրոնային նամակը և ում էր այն հասցեագրված: Այնուամենայնիվ, Աբրահամյանը հայտնեց, որ տեսել է օդանավակայան ժամանող ԱԻՆ մեքենան:
Աբրահամյանը տարակուսանք է հայտնեց, թե ով կարող էր հետաքրքրված լինել այսպիսի տեղեկատվական առիթ ստեղծելու մեջ:
Ավելի վաղ քրեական քրոնիկայի լրագրող Գագիկ Շամշյանը իր կայքում հայտնել էր, որ «Զվարթնոց» օդանավակայան Ոստիկանության, ԱԱԾ և ԱԻՆ–ի` մեծ թվով աշխատակիցներ են ժամանում: Նրա տեղեկություններով, իրավապահ մարմինները ստացել են օպերատիվ տեղեկություններ այն մասին, որ Երևան–Մոսկվա ուղևորվող ինքնաթիռներից մեկում պայթյուն է տեղի ունենալու: -0-