«Հայկական վերածնունդ» կուսակցությունը դատապարտում է բռնության ցանկացած դրսևորում
Ընդգծելով, որ «եկել է կանգ առնելու և Հայաստանում արմատական, շրջադարձային փոփոխություններ կատարելու ժամանակը, ինչը, նախևառաջ, պայմանավորված է իշխանությունների կողմից քաղաքական կամքի դրսևորմամբ», կուսակցությունը միաժամանակ մերժում ու դատապարտում է երկուստեք բռնության ցանկացած դրսևորում:
ՀՎԿ-ն կոչ է անում իրավապահ մարմիններին հարգել քաղաքացիների օրինական իրավունքներն ու ազատությունները, անընդունելի համարելով ցուցարարների նկատմամբ իրավապահ մարմինների կողմից ոչ համաչափ ուժի ցանկացած կիրառումը՝ միևնույն ժամանակ դատապարտելով առանձին քաղաքացիների հրահրիչ և սադրիչ գործողությունները:
«Հայկական վերածնունդ»-ը հայտարարում է, որ ստեղծված իրավիճակի խաղաղ հանգուցալուծումն այլընտրանք չունի, կոչ է անում բոլոր կողմերին ցուցաբերել զսպվածություն, չտրվել սադրանքներին, խուսափել արյունահեղությունից՝ խնդիրը լուծելով բացառապես բանակցությունների միջոցով, որին իր ամբողջ ներուժը պատրաստ է ներդնել նաև ՀՎԿ-ն: