Boko Haram na amfani da sabuwar hanyar samun mayaka
– Kugiyar Boko Haram ta bullo da sabuwar hanyar samun mayaka
– Hukumar soji ta bayyana cewa kungiyar tana ba matasa bashin kudi, idan suka gaza biya sai su shiga kungiyar ko a kashe su
Yan kungiyar Boko Haram
Kungiyar Boko Haram ta samu sabuwar hanya da take samun mutane suna shigowa kungiyar a kwanakin nan babu jimawa.
KU KARANTA: Amurka ta gano inda Yan Matan Chibok suke
Hukumar soji ta hanyar mukaddashin Daraktan labarai na soji, kanar Abubakar Rabe, ya bayyana cewa yan ta’addan Boko Haram yanzu suna bawa matsa rancen kudi ne, idan lokacin biyan kudin yayi mutum bai biya ba sai su nemi ya shiga kungiyar ko kuma su kashe shi.
Yace ” Mutanen da ake ruda da wadannan kudade sune Tailoli, mai gyara, masu gyran takalama, mutane masu sana’a da hannu ne aka fi yaudara saboda su basu kula da illolin dake cikin basu rancen kudaden da kungiyar keyi ko kuma wani mutum wanda basu sani ba.
” Baccin an basu rancen kudaden, idan wa’adin ya kare za’a nemi mutum kodai ya shiga kungiyar boko Haram ko kuma a kashe shi. Daman sun riga ya sun shirya tsarin biyan kudin domin mutum ya kasa biya.
Birigediya Abubakar yayi kira ga mutane dasu bude idanun su kada su bari kungiyar ta Boko Haram ta yaudare su.
Kimanin watanni 7 da suka wuce, sojojin Najeriya suka fara samun manya manyan nasarori akan kungiyar Boko Haram musamman a jihohin dake a Arewa maso gabashin Najeriya.
The post Boko Haram na amfani da sabuwar hanyar samun mayaka appeared first on Nigeria News today & Breaking news | Read on NAIJ.COM.