Փաշինյանը հուսով է, որ Ռայիսիի հետ նախանշված ծրագրերը կշարունակվեն
«Թեհրանում կայացած հանդիպմանը Նիկոլ Փաշինյանը շեշտել է, որ Էբրահիմ Ռայիսիի հետ ոչ միայն գործընկերային, այլեւ ջերմ բարեկամական կապեր ունեին, որն ինքնին արտացոլվում էր Հայաստան-Իրան հարաբերությունների վրա:
Իրանի նախագահի ժամանակավոր պաշտոնակատար Մոխամադ Մոխբերը վստահեցրել է, որ Էբրահիմ Ռայիսիի հետ ՀՀ վարչապետի նախանշած բոլոր ծրագրերը, որոնք ուղղված են Հայաստան-Իրան հարաբերությունների զարգացմանը, կկրեն շարունակական բնույթ»,- ասված է կառավարության հաղորդագրության մեջ:
Հայաստանի վարչապետ Նիկոլ Փաշինյանն այսօր մեկնել էր Իրան՝ մասնակցելու ավիավթարի հետեւանքով զոհված նախագահ Էբրահիմ Ռայիսիի հրաժեշտի արարողությանը։