Фаҗигале һәлак булган Николай Зотов һәм Тимур Дунаев мәетенә экспертиза Ростов-Донда була
Чаллыдан мобилизацияләнгән Николай Зотов белән Тимур Дунаев мәетләренә экспертизаны Ростов-Дон шәһәрендә ясаячаклар. Аннары аларны Чаллыга алып кайталар. Бу турыда «Челнинские известия» Зотовлар гаиләсенә якын булган чыганагына сылтама белән хәбәр итте.
Алар Воронеж өлкәсендә авариядә үлде. Хәрби суд-медицина экспертизасы бюросы белгечләре тиешле экспертизаларны билгели. Мондый очракларда тиеш булганча, тикшерү беткәч һәм судмедэкспертлар нәтиҗә чыгаргач, Чаллы военкоматына шалтыраталар һәм якташларыбызның мәетләрен җирли торган шәһәргә алып кайтырга рөхсәт итәчәкләр.
Авария 10 декабрьдә Воронеж өлкәсендә була. Табиб Николай Зотов Воронеж өлкәсенә гуманитар йөк һәм 3 «буханка» машинасын алырга килә, аннары аларны фронтка алып китәсе булалар. Авариягә очраган машинага Зотов фаҗигагә 10 минут алдан гына күчеп утыра. Якынча версия буенча, алар «Газель» белән кара-каршы бәрелешә. Машинада Зотов белән бергә 34 яшьлек Тимур Дунаев та була, диелә хәбәрдә.
- Чаллыдан мобилизацияләнгән балалар табибы Николай Зотов һәлак булган
- Махсус операциягә киткән Чаллы табибы Николай Зотов һәлак булган урыннан фотолар чыкты
- Чаллы педиатры Николай Зотов белән бергә Тукай районынан Тимур Дунаев та һәлак булган
- Авариядә һәлак булган табиб Николай Зотовны Чаллы мэры бер минут тынлык белән искә алды
- Чаллы табибы Николай Зотов белән һәлак булган Тимур Дунаевның соңгы әманәтен үтәгәннәр