Қостанайда той басталар уақытта мейрамхана отқа оранды (видео)
Қостанай қаласындағы «Астам» мейрамханасы өртеніп кетті деп хабарлайды ҚазАқпарат агенттігіне сілтеме жасаған NUR.KZ.
Бүгін саған 17.30 шамасында облыс орталығындағы «Астам» мейрамханасынан өрт шықты. Өрт туралы облыстық ТЖД қызметіне мейрамхана күзетшілері хабар беріпті.
Оқиға куәгерлерінің айтуынша, ғимарат ішіндегі адамдардың көбі оқшау жерге шығарылған. Олардың көбі - балалар.
Белгілі болғандай, бүгін сағат 18:00-де мейрамханада үйлену тойы басталуы керек болған. Алайда, жас жұбайлар «Астамға» өрт сөндірушілермен қатар келді.
Source: Kaz.nur.kz