“Арсенал” ўз майдонида “Борнмут”га кутилмаган мағлубиятни тан олди

Англия Премер-лигасининг 32-тури доирасида “Арсенал” ўз майдонида “Борнмут”ни қабул қилди. Кутилмаган натижа билан якунланган учрашувда меҳмонлар 2:1 ҳисобида ғалаба қозонишди.

Ўйинда ҳисобни биринчи бўлиб “Борнмут” очди — Эли Жуниор Крупи 17-дақиқада гол урди. “Арсенал” эса 35-дақиқада Виктор Гокерешнинг пеналтидан киритган тўпи билан мувозанатни тиклади. Бироқ 74-дақиқада Алекс Скоттнинг аниқ зарбаси меҳмонларга ғалабани тақдим этди.

Шу тариқа “Борнмут” муҳим уч очкога эга чиқиб, очколарини 45 тага етказди ва 9-ўринга кўтарилди. “Арсенал” эса 70 очко билан пешқадам бўлиб қолган бўлса-да, жуда муҳим очколарни бой берди.

АПЛ. 32-тур
“Арсенал” — “Борнмут” 1:2
Голлар: Гокереш 35’ (пен) — Крупи 17’, Скотт 74’.

“Арсенал” таркиби: Райя, Уайт (Москера 76’), Салиба, Габриел, Люис-Скелли, Субименди (Жезус 76’), Райс, Мадуэке (Дауман 54’), Ҳаверц (Эзе 54’), Мартинелли (Троссар 54’), Гокереш.

“Борнмут” таркиби: Петрович, Хименес, Хилл, Сенеси, Трюффер, Кристи (Адамс 70’), Алекс Скотт, Райан (Брукс 70’), Тавернье, Эли Жуниор Крупи (Тотт 85’), Эванилсон.

“Арсенал” ушбу ўйинда очколарни йўқотиб, чемпионлик пойгасида босимни янада ошириб қўйди.