Дунёда илк бор машҳур каламушга ҳайкал ўрнатилди
Камбоджада миналарни аниқлашда олтин медал олган машҳур каламуш Магава шарафига ҳайкал қўйилди. Бу ҳақида BBC хабар берди.
Магава саккиз йил умр кўрган ва 2016–2021 йилларда Камбоджада 100 дан ортиқ минани топиб, хавфсиз йўл билан зарарсизлантирган. Ҳайкал маҳаллий тошдан ясалган ва 4 апрель — Халқаро миналарга қарши кураш куни арафасида очилган.
БМТга кўра, Камбоджада миналар ҳали ҳам хавфли ва миллионлаб одамлар хатарли ҳудудларда яшашда давом этмоқда.
Магава Apopo ташкилоти томонидан тайёрланган ва ўткир ҳид билан миналарни сезиб, мутахассисларга сигнал берган. У 141 минг квадрат метр ҳудудни текширган — бу 20 футбол майдонига тенг. 2020-йилда “Жорж хочи” PDSA олтин медали билан тақдирланган ва бу мукофотни олган биринчи каламуш бўлган.
Қарилик ва ҳаракатнинг секинлашуви сабаб Магава 2022-йилда вафот этган. Apopo менежери айтадики, ҳайкал халқаро ҳамжамиятга ҳали ҳам бажарилиши керак ишлар борлигини эслатади.
Apopo 1990-йилдан HeroRATS деб аталувчи каламушларни тайёрлайди. Улар енгил ва хавфсиз, миналарни портлатмайди. Шунингдек, Танзанияда ёввойи ҳайвонларнинг ноқонуний савдосига қарши ҳам қўлланилади.
Ронин номи билан яна бир каламуш 2021-йилдан 109 мина ва 15 портламаган ўқ-дорини топиб, 2025-йилда рекорд ўрнатди.