“Енгилмас. Токиога йўл”: Баҳодир Жалоловга бағишланган фильм премьераси (видео)

Кеча, 3 апрель куни Ўзбекистон Миллий кино санъати саройида энг кутилган ва спорт аҳли томонидан интизорлик билан кутилган премьера бўлиб ўтди. Бу ерда икки карра Олимпиада чемпиони Баҳодир Жалоловнинг ҳаёт йўли ва Токио-2020 ёзги Олимпия ўйинларидаги ғалабасига бағишланган бадиий фильм тақдим этилди.

“Енгилмас. Токиога йўл” номли фильм тақдимоти нафақат мухлислар, балки нуфузли меҳмонлар ва спорт олами вакиллари томонидан ҳам кузатилди. Мазкур фильм бокс мухлислари учун муҳим ва илҳом берувчи воқеаларни ўз ичига олди.

Тақдимотда қатор машҳур шахслар иштирок этди: Отабек Умаров — Ўзбекистон Миллий олимпия қўмитаси раисининг биринчи ўринбосари ва Осиё Олимпия кенгаши вице-президенти, Ойбек Касимов — Ўзбекистон Миллий олимпия қўмитаси Бош котиби, Сакен Полатов — Ўзбекистон бокс федерацияси раисининг биринчи ўринбосари ва “Asian Boxing” ташкилоти вице-президенти, Шоҳид Тиллабоев — Ўзбекистон бокс федерацияси Бош котиби ва “Asian Boxing” ташкилоти “Спорт ва мусобақалар” комиссияси раиси. Шунингдек, Тўлқин Қиличев — Ўзбекистон бокс терма жамоаси бош мураббийи ҳамда боксчилар ва уларнинг оилалари ҳам иштирок этишди.

Тақдимотда спорт ва санъат оламидаги кўплаб юлдузлар ҳам ўз иштирокини таъминлади. Бу каби тадбирлар нафақат мухлислар учун, балки ёш авлод спортчилари ва санъат мухлислари учун ҳам илҳом манбаи бўлиб хизмат қилади.

Ўзбекистон бокс федерацияси бу ҳақда расмий маълумот бериб, фильмнинг нафақат Баҳодир Жалолов ҳаёти, балки бутун мамлакатимиз спорти учун муҳим аҳамият касб этишини таъкидлади.

Бу фильм нафақат мухлислар учун қизиқарли, балки спорт ва шахсий маънавий ривожланиш учун ҳам аҳамиятли восита бўлиб хизмат қилади.