Билялетдинов Роналду ҳақида унинг юқори савиясини эътироф этди
Машҳур мураббий Ринат Билялетдинов Саудия Арабистонининг «Ал-Наср» клуби сафида тўп сураётган Криштиану Роналду ўйинлари ҳақида фикр билдирди. Бу ҳақда euro-football.ru хабар беради.
Мутахассиснинг таъкидлашича, Роналду ноёб футболчи бўлиб, унинг эришган натижаларини такрорлаш деярли имконсиз. Билялетдинов 40 ёшдан ошган бўлишига қарамай, ҳужумчи ҳануз энг юқори даражада ўйнашга интилаётганини алоҳида қайд этди.
Жорий мавсумда 41 ёшли португалиялик барча мусобақаларда 23 учрашувда майдонга тушиб, 19 та гол урди ва 3 та голли пас берди.
Саудия чемпионатининг 21-туридан сўнг «Ал-Наср» турнир жадвалида 52 очко билан учинчи поғонада бормоқда.