ПСЖ Дембеле жароҳати бўйича расмий маълумот берди
ПСЖ расмий сайти жамоа футболчиларининг тиббий ҳолати юзасидан янгиланган маълумотни эълон қилди. Унда Европа Чемпионлар лигасида «Монако»га қарши ўйинда жароҳат олган ҳужумчи Усмон Дембеле ҳақида ҳам сўз боради. Бу ҳақда euro-football.ru хабар беради.
Париж клуби хабарига кўра, болдир мушагида ноқулайлик сезган Дембеле яқин кунларда машғулотларни асосан залда олиб боради.
Шу сабаб, Дембеле шанба куни Франция чемпионатидаги учрашувни ўтказиб юборади — ПСЖ ўз майдонида «Мец»ни қабул қилади.
Шунингдек, ярим ҳимоячи Фабиан Руис индивидуал машғулотларга қайтгани қайд этилди.
Ҳозирда ПСЖ Лига 1 турнир жадвалида иккинчи ўринда бормоқда ва пешқадам «Ланс»дан бир очко ортда қолмоқда.