Валенсия 1989 йилдан бери энг кам гол урмоқда

«Валенсия» XXI асрда голлар бўйича энг омадсиз мавсумини ўтказмоқда. 23-турдан кейин жамоа атиги 23 бор рақиб дарвозасини ишғол қилди — ўртача ҳар ўйинда биттадан гол. Бу ҳақда euro-football.ru хабар беради.

Таққослаш учун, «Барселона» шу пайтгача 63 та гол уриб улгурди ва ўртача кўрсаткичи 2,75 га тенг. «Кўршапалаклар»нинг ҳужумдаги муаммолари сўнгги йилларда ҳам сезилиб келаётганди: ўтган мавсум 23 турдан сўнг 24 та, ундан аввалги мавсумда эса 29 та гол қайд этилган.

Аммо ҳозирги натижа деярли қирқ йиллик танаффусдан кейинги энг ёмон кўрсаткич: 1988/1989 мавсумида 23 турдан сўнг «Валенсия»да 22 та гол бўлган. Ўша жамоа кам гол ургани билан ҳимояда ниҳоятда ишончли ўйнаган — мавсумни учинчи ўринда якунлаб, атиги 26 та гол ўтказган ва бу чемпионатдаги энг яхши натижа эди.

Ҳозирги «Валенсия»да эса вазият бошқача: жамоа аллақачон 37 та гол ўтказиб юборган. Бу кўрсаткич лига жадвалида энг ёмонлар қаторида, пастдан иккинчи натижа бўлиб турибди.