Жезуш Роналдуга яқин ўйин олдидан дам берди
"Ал-Наср" бош мураббийи Жорже Жезуш Криштиану Роналду нега навбатдаги учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида "Аркадаг"га қарши баҳс олиб боради. Португалиялик ҳужумчининг тез орада майдонга қайтиши кутилaётгани айтилаётган бўлса-да, бу ўйинда у яна таркибда бўлмайди.
Жезушнинг таъкидлашича, тиқиз тақвим сабаб Роналду ва асосий таркибдаги яна бир қатор футболчиларга дам бериш қарори қабул қилинган. Мураббий бунга сабаб сифатида олдинда "Ал-Фатеҳ"га қарши муҳим ўйин борлигини кўрсатди.
"Al Nassr Zone" келтирган иқтибосда Жезуш Роналдуга дам бериш янгилик эмаслигини ҳам қўшимча қилган: у Саудия Арабистонидан ташқарида ўтадиган учрашувларни тез-тез ўтказиб юборади.
Саудия чемпионатидаги "Ал-Фатеҳ" — "Ал-Наср" учрашуви шанба, 14 февраль куни бўлиб ўтади.