Нуньес араб чемпионати рўйхатидан чиқарилди, ўрнига Бензема киритилди
Уругвайлик ҳужумчи Дарвин Нуньес мавсумнинг қолган қисмида араб чемпионатида майдонга тушмайди. «Ал-Ҳилол»нинг италиялик бош мураббийи рўйхатни қайта кўриб чиқиб, клубга келиб қўшилган Карим Бенземани чемпионат учун аризага киритиш мақсадида Нуньесни ундан чиқариб ташлади. Бу ҳақда euro-football.ru хабар беради.
Шу билан бирга, Нуньес жамоанинг Осиё Чемпионлар Лигаси учрашувлари учун қайдномада қолдирилди ва қитъа миқёсидаги баҳсларда «Ал-Ҳилол»га ёрдам бериши мумкин.
Эслатиб ўтамиз, Нуньес фаолияти давомида Испаниянинг «Алмерия», Португалиянинг «Бенфика» ҳамда Англиянинг «Ливерпул» клубларида ўйнаган. У 2019 йилдан буён Уругвай терма жамоасига жалб этилади, ҳозирга қадар миллий жамоа сафида 13 та гол урган ва 2022 йил Қатарда ўтган жаҳон чемпионатида ҳам иштирок этган.