Флоренси «Рома» ва «Милан» дурангидан сўнг фикр билдирди
Италия терма жамоасининг собиқ футболчиси ва «Милан»нинг экс ўйинчиси Алессандро Флоренси «Рома» ҳамда «Милан» ўртасида бўлиб ўтган учрашув якунлари ҳақида гапирди. Бу ҳақда euro-football.ru хабар беради.
Флоренсининг айтишича, биринчи бўлимда римликлар жуда кескин ва босим билан ўйнаган: голлар чиқмагани ажабланарли, бироқ бу вазиятларда Майк Меньян «Милан»ни бир неча бор қутқариб қолди. У, шунингдек, «Милан»га гол уриш учун кўп имконият ҳам керак эмаслигини таъкидлаб, буни иккинчи бўлимда майдонда кўрганимизни қўшиб ўтди.
Скудетто масаласига келганда эса Флоренси чемпионлик пойгаси деярли аниқ бўлиб қолганини, энди кўпроқ иккинчи ўрин учун кураш ҳақида гапириш мумкинлигини билдирди.
Эслатиб ўтамиз, А Серия турнир жадвалида «Интер» ҳозирда «Милан»дан беш очкога олдинда бормоқда.