“Valentino red” билан танилган дизайнер 93 ёшида Римда ҳаётдан кўз юмди

XX аср модасининг энг нуфузли ижодкорларидан бири Валентино Гаравани 93 ёшида Римдаги уйида вафот этди. Бу ҳақда Валентино Гаравани ва Giancarlo Giammetti жамғармаси Instagram саҳифасида хабар берди. Маълумотга кўра, дизайнер яқинлари қуршовида, осойишта ҳолатда ҳаётдан кўз юмган.

Валентино 1960 йилда асос солган Валентино мода уйи орқали жаҳон модасида ўзига хос услуб мактабини яратди. У Giorgio Armani ва Карл Лагерфелд сингари номлар билан бир қаторда энг юқори поғонага кўтарилган дизайнерлардан бўлди. Бренднинг энг таниқли рамзларидан бири “Valentino red” рангидир.

Қизил рангга бўлган муҳаббатига Испанияга сафари чоғида кўрган таассуротлари туртки бўлгани айтилади ва кейинчалик у бренд тимсолига айланган. Ҳатто 2008 йилдаги сўнгги коллекциясида ҳам подиумга чиққан моделлар қизил либосларда намойиш этилган. Валентино билан видолашув 21–22 январь кунлари Римдаги Пиазза Мигнанелли майдонида, дафн маросими эса 23 январь куни Санта Мариа дегли Angeli e dei Мартири базиликасида бўлиб ўтади.