Никола Вентола «Интер» ва «Наполи» ўйинини интиқлик билан кутмоқда
Италия А Сериясининг навбатдаги турида энг катта эътибор «Интер» ва «Наполи» тўқнашувига қаратилaди. «Нерадзуррилар» сафида тўп сурган Никола Вентола ушбу баҳсни алоҳида ҳаяжон билан кутаётганини яширмади ва бунинг сабабларини ҳам айтиб ўтди. Бу ҳақда euro-football.ru хабар беради.
Вентоланинг фикрича, «Интер» айни пайтда жуда яхши ҳолатда: футболчилар максимал даражада тайёр, жамоа механизми эса бир маромда ишлаяпти. Шу билан бирга, у Антонио Конте қандай режа танлашини ҳам қизиқиш билан кутаётганини айтди — Вентола мураббийни стратег сифатида таърифлади. Унинг баҳосига кўра, бу учрашувда имкониятлар тенг: 50 га 50.
Ҳозирда «Интер» А Серия турнир жадвалида «Милан»ни уч очко ортда қолдириб, пешқадамлик қилмоқда. «Наполи» эса учинчи ўринда бормоқда.