«Ювентус» Влахович билан музокарани бир шартда бошлайди

«Ювентус» ҳужумчиси Душан Влаховичнинг амалдаги шартномаси ярим йилдан сўнг якунланади. «Қари синьора» раҳбарияти январ ойида сербиялик футболчи билан битимни узайтириш масаласини муҳокама қилишни режалаштирмаяпти — музокаралар ёзга қолдирилган.

Sky Sport хабарига кўра, агар футболчи соғлом бўлиб, оптимал спорт формасида бўлганида, у Лучано Спаллетти қўл остида мунтазам равишда асосий таркибда майдонга тушган бўларди. Клуб футболчи маош бўйича талабларини сезиларли даражада пасайтирса, у билан шартномани узайтириши мумкин.

Акс ҳолда, Влахович июл ойида эркин агентга айланади. Эслатиб ўтамиз, ҳозирда Душан Влахович жароҳатдан тикланмоқда.

25 ёшли футболчининг сафга қайтиши баҳорнинг бошига режалаштирилган.