Xiaomi қатор смартфон моделларини расман “нафақага чиқарди”
Компания эълон қилган маълумотга кўра, энди қуйидаги 12 та смартфон модели янгиланмайди:
- Redmi 10 5G
- Redmi 11 Prime 5G
- Redmi Note 11E 5G
- Redmi Note 11R
- Poco M4 5G
- Poco C40
- Redmi Note 11T Pro
- Redmi Note 11T Pro+
- Redmi K50i
- Poco X4 GT
- Redmi K40S
- Poco F4
Ушбу рўйхатдаги барча қурилмалар учун эндиликда MIUI тизими янгиланишлари, хавфсизлик янгиланишлари ва Android версиясига оид ҳар қандай қўллаб-қувватлашлар расман тугатилди. Бу эса, фойдаланувчилар учун янги функциялар, тизим барқарорлигини яхшилайдиган янгиланишлар ёки хавфсизлик муаммоларига қарши чоралар берилмаслигини англатади.
Бундай қарор, одатда, смартфон моделининг чиқарилганидан кейин ўртача 2-3 йил ўтгач қабул қилинади. Бу муддат мобайнида ишлаб чиқарувчи қурилма учун етарли даражада дастурий ва техник ёрдам кўрсатади. Аммо мобил технологиялар шиддат билан ривожланиб бораётгани сабаб, ҳар бир модел ўз “маънавий ёшига” етади ва унинг ўрнини янги, замонавийроқ қурилмалар эгаллайди.
Шу сабабли, юқорида қайд этилган смартфон эгалари учун асосий тавсия — яқин вақтда янги қурилмага ўтишни режалаштиришдир. Зеро, хавфсизлик янгиланишларининг йўқлиги маълум муддатдан сўнг шахсий маълумотлар ва қурилма фойдаланувчи хавфсизлигига таҳдид туғдириши мумкин.
Албатта, бу смартфонлар ҳозирда ҳам ишлаши мумкин, лекин уларда мавжуд бўлган тизим хатарларга қарши ҳимоясиз бўлиб қолади. Айниқса, интернетдан фаол фойдаланиладиган фойдаланувчилар учун бу жуда катта хатар саналади.
Xiaomi компанияси ҳар йили ўнлаб янги моделларни тақдим этади ва бу жараёнда аввалги қурилмаларнинг техник қўллаб-қувватланишига чеклов қўйилиши табиий. Компания, шунингдек, фойдаланувчиларга янгиланиш сиёсатини олдиндан эълон қилиб, уларни хабардор қилиб боради.
Қисқаси, ушбу 12 та модель энди расман “нафақага” чиқди. Уларга алоқадор фойдаланувчилар эса хавфсизликни таъминлаш ва янги имкониятлардан фойдаланиш учун замонавий қурилмаларга ўтишни ўйлаб кўришлари мақсадга мувофиқ бўлади. Мобил технологиялар тез янгиланади, улар билан бирга бизнинг қурилмаларимиз ҳам замонга мос бўлиши керак.