Месси фаолиятидаги 600-голни урди
«Барселона» клуби ҳужумчиси Лионель Месси Испания чемпионати доирасида «Атлетико»га (1:0) қарши кечаётган ўйинда гол уришга эришди.
Бу гол аргентиналик футболчи учун фаолиятидаги 600-си бўлди. Месси шуларнинг 539 тасини «Барселона» сафида урган бўлса, қолган 61 таси Аргентина терма жамоаси сафида киритилган.
Месси ушбу кўрсаткичга ўзининг 747-ўйинида етиб келди.