World News in Uzbek

OpenAI яқин ҳафталарда ChatGPT чат-ботида реклама бўйича тестлар бошланишини маълум қилди. Компаниянинг расмий баёнотига кўра, реклама бепул версия ҳамда ChatGPT Go тарифида кўрсатилади, аммо Plus, Pro, Business ва Enterprise обуначилари учун ChatGPT одатдагидек рекламасиз қолади.

Жанубий Кореяда фаолият олиб бораётган ўзбекистонлик меҳнат мигрантлари орасида ноқонуний мақомга ўтаётганлар сони сўнгги пайтларда кескин ошмоқда. Ҳозирда бу кўрсаткич қарийб 9 фоизни ташкил этмоқда. Агар у 10 фоиз чегарасидан ошса, Корея Республикаси Адлия вазирлиги Ўзбекистон фуқароларига виза беришни тўлиқ тўхтатиш масаласини кўриб чиқиши мумкин.

Тошкент шаҳрининг Янгиҳаёт туманида иккиламчи рангли металларни йиғиш, қайта ишлаш ва ишлаб чиқаришга ихтисослашган «Ўзиккиламчиранглиметалл» («Ўзвторцветмет») корхонаси атроф-муҳитга салбий таъсирнинг олдини олиш мақсадида Жиззах вилоятидаги саноат зонасига кўчириладиган бўлди. Бу ҳақда Экология ва иқлим ўзгариши миллий қўмитаси матбуот хизмати хабар берди.

Гренландия ва Данияда минглаб одамлар АҚШ президенти Доналд Трампнинг Гренландияни “қўлга киритиш” ҳақидаги баёнотлари ва эҳтимолий режаларига қарши кўчага чиқди. Норозилик акциялари Гренландия ва Даниядаги бир қатор нодавлат ташкилотлар ташаббуси билан уюштирилган бўлиб, Даниянинг турли шаҳарларида (жумладан, Копенҳагенда) ва Гренландия пойтахти Нуукда бўлиб ўтди.

Буюк Британия, Германия, Дания, Финландия, Франция, Нидерландия, Норвегия ва Швеция Арктикада хавфсизликни кучайтиришга қаратилган қўшма баёнот билан чиқди. Баёнотда улар Дания қироллиги ва Гренландия халқи билан бирдам эканини очиқ айтди ҳамда “ўтган ҳафтада бошланган жараён”дан келиб чиқиб, суверенитет ва ҳудудий яхлитлик тамойилларига таянадиган мулоқотга тайёрлигини билдирди.

Гренландия Европа давлатлари Трампнинг божлар таҳдидига қарши тургани учун миннатдорлик билдирди. АҚШ президенти Доналд Трамп Гренландияни сотиб олиш истагини билдирган ва бу масала бўйича Европа давлатларига божлар қўйиши мумкинлигини айтган. Европа давлатлари эса Гренландия ва Дания мустақиллигини ҳимоя қилишга қарор қилди.

Россиялик файласуф ва Z-риторикаси билан танилган Александр Дугин сўнгги интервьюсида постсовет ҳудудидаги давлатлар суверенлиги масаласига кескин ёндашиб, “дунёнинг янги модели”да мустақил миллий давлатлар мавжуд бўлиши мумкин эмас, деган мазмунда фикр билдирди. Бу баёнот ахборот майдонида яна бир бор “ким нимага даъво қиляпти?” деган саволни кун тартибига олиб чиқди.

Ўзбекистоннинг энг янги тарихи масалалари бўйича Мувофиқлаштирувчи-методик марказ Россия Федерациясининг “Илмий коммуникациялар институти” билан илмий ҳамкорлик тўғрисида меморандум имзолади.

АҚШ президенти Доналд Трамп Politico нашрига берган интервьюсида Эронда ҳокимиятни янгилаш вақти келганини билдирди. У Эрон раҳбарини кескин танқид қилиб, уни “касал” деб атади ҳамда мамлакатдаги оғир аҳволни самарасиз бошқарув оқибати сифатида баҳолади.

Гренландия атрофидаги кескин геосиёсий фон яна бир янги эпизод билан тўлди. Bild нашри хабар беришича, Бундесвернинг оролдаги ҳарбийлари Берлиндан Гренландияни зудлик билан тарк этиш буйруғини олган ва бу қарор амалда “жим-жит режим”да бажарилган.

АҚШ маъмурияти тахминан 60 давлатга юборган ҳужжатда “Тинчлик кенгаши” аъзоларининг уч йилдан ортиқ фаолият кўрсатиши учун 1 миллиард доллар миқдорида нақд маблағ ажратиши кераклиги айтилган. Бу ҳужжат Reuters томонидан кўриб чиқилган.

Навоий вилоятининг Зарафшон шаҳрида фуқарони ички ишлар органларига ишга киритиб бериш ҳамда ҳайдовчилик гувоҳномасини имтиҳонсиз расмийлаштириб беришни ваъда қилган шахс қўлга олинди.

Эроннинг турли ҳудудларида декабрь охиридан бери давом этаётган намойишлар натижасида расмий маълумотларга кўра камида 5 минг киши ҳалок бўлди. Расмийлар бу воқеалар учун “террорчилар ва қуролланган тартибсизлик”ни айбламоқда. Ҳалок бўлганлар орасида тахминан 500 нафар хавфсизлик ходими ҳам бор.

OpenAI ChatGPT’нинг бепул тарифида ва ChatGPT Go режимида реклама кўрсатиш бўйича синовларни йўлга қўйишини маълум қилди. Компания расмий баёнотига кўра, синовлар аввал АҚШда, яқин ҳафталарда бошланади.

TikTok Европа Иттифоқида фойдаланувчиларнинг ёшини аниқлаш бўйича янада кучли технологияларни жорий этишни бошламоқчи. Reuters ёзишича, бу қарор регуляторлар босими ва бир йиллик пилот лойиҳа натижаларидан кейин қабул қилинган.

АҚШ президенти Доналд Трамп глобал можароларни ҳал қилиш мақсадида “Тинчлик кенгаши” деб номланган янги ташаббусни илгари сурди. У 60 га яқин давлатни ушбу кенгашга қўшилишга таклиф қилди. Бироқ кўплаб давлатлар бу ташаббусга нисбатан эҳтиёткор муносабат билдирмоқда ва ҳозирча очиқ қўллаб-қувватлашга шошилмаяпти.

“Кристал Пэлас” атрофида вазият кескинлашиб кетди. Клуб кузатув кенгаши раиси Стив Пэриш жамоа бош мураббийи Оливер Гласнернинг раҳбариятга қаратилган танқидий баёнотларидан кейин қаттиқ жаҳли чиққан. Бу ҳақда Sky Sports хабар бермоқда.

Мадриднинг «Реал» клуби вингери Винисиус Жуниор «Леванте»га қарши ўйиндан (2:0) кейин жамоани тарк этиш истагини яқинларига билдиргани айтилмоқда. Ла Лиганинг 20-тури доирасидаги ушбу баҳсда «қаймоқранглилар» мухлислари бразилиялик футболчини деярли ҳар бир тўпга тегишида ҳуштакбозлик билан кузатган. Бу ҳақда El Periodico нашри хабар бермоқда.

Европа Иттифоқининг бир қатор давлатлари АҚШ президенти Доналд Трампнинг Европа мамлакатларига нисбатан бож тарифларини ошириш ҳақидаги баёнотларини қоралади. Европа етакчилари бу таҳдидлар ҳамкор давлатлар ўртасидаги муносабатларга зарар етказишини ва босим ўтказиш усули эканини таъкидлади.

Англия футболини ёритиб бораётган манбалар ва журналистлар Премьер-лиганинг 22-турида бўлиб ўтган Манчестер шаҳри дербисининг “иссиғини” ҳали ҳам туширолмаяпти. Чунки бу сафарги баҳс нафақат принципиаллик, балки умумий кайфият ва жамоаларнинг руҳий ҳолати нуқтаи назаридан ҳам кўп нарсани очиб берди.

Эрон чемпионатининг 16-турида футбол ишқибозлари кутган катта тўқнашувлардан бири бўлиб ўтди. «Сепахон» ўз майдонида Теҳроннинг машҳур гранди — «Персеполис»га қарши баҳсда 2:1 ҳисобида ғалаба қозониб, муҳим уч очкони қўлга киритди.

Даниянинг Berlingske газетаси даъво қилишича, 2025 йилда Қўшма Штатлар Гренландиядаги инфратузилма, шу жумладан муҳим ҳарбий инфратузилма ҳақида маълумот тўплашга норасмий тарзда уринган. Эътиборли жиҳати — нашр бу жараён Копенгагеннинг расмий иштироки ва одатий дипломатик-ҳарбий алоқаларни четлаб ўтган ҳолда кечганини ёзади.

Ўзбек эстрадасининг севимли ижодкорларидан бири Хамдам Собиров янги ижод маҳсулоти — “Нилуфар” номли видеоклипини тақдим этди. Клип бугун YouTube платформасида эълон қилинди ва қисқа фурсатда мухлислар эътиборини тортишга улгурди.

2025 йил Ўзбекистон туризми учун ҳақиқий “пик” бўлди: туристик мақсадларда мамлакатимизга 11,7 миллион нафар чет эл фуқароси ташриф буюрган. Миллий статистика қўмитасининг дастлабки маълумотларига кўра, бу натижа рекорд даражага чиққани билан эътиборли ва Ўзбекистонга бўлган халқаро қизиқиш изчил ошиб бораётганини очиқ кўрсатади.

Дональд Трампнинг Гренландияни АҚШ назоратига олиш ҳақидаги кескин баёнотлари Европа сиёсий доираларини ҳаракатга келтирди. «The Economist» нашрининг ёзишича, эски қитъа етакчилари орол суверенитетини сақлаб қолиш ва Вашингтоннинг босимини қайтариш учун бир нечта стратегик йўналишларни кўриб чиқмоқда.