Татарстанда хайваннар һәм кошлардагы йогышлы авырулар турында туры эфир узачак
30 мартта 11:00 сәгатьтә Татарстан Республикасы Төбәк белән идарә итү үзәге бергәлегендә хайваннар һәм кош-кортта таралган йогышлы авыруларга багышланган туры эфир узачак. Бу хакта Татарстан Республикасы Министрлар Кабинетының Баш ветеринария идарәсе матбугат хезмәте хәбәр итә.
Трансляция барышында экспертлар кешеләргә нинди авырулар куркыныч тудыра алуы, республикада авыруларга бәйле вазгыять һәм терлекләрне читтән кертүгә карата нинди таләпләр гамәлдә булуы турында сөйләячәк.
Эфирның кунагы - ТР Министрлар Кабинетының Баш ветеринария идарәсе башлыгы урынбасары Габделхак Мотыйгуллин. Тамашачылар трансляция астындагы комментарийларда спикерга сораулар бирә ала.
Трансляция түбәндәге сылтама буенча узачак: https://vk.cc/cVVfD0